【世界盃】曾志偉唔識燈神Lulu：我身邊已經好多明燈
撰文：冼燕珊
出版：更新：
志偉仔仔曾國祥近日傳出婚訊，志偉就話個仔結唔結婚佢都支持。
曾志偉好友三哥苗僑偉近日六十大壽，志偉同一班好朋友，一齊飛去加拿大賀佢登六。不過因為佢今日要出席活動，所以率先返港，未能與成班老友盡興。
志偉透露之後會到雲南拍戲，拍完戲就會同好友譚詠麟去俄羅斯睇世界盃，「我年年都係支持巴西，自己鐘意巴西，死忠Fans，今年都唔例外（所以都睇好佢攞冠軍?）係呀!」講開世界盃，好難唔提燈神Lulu，最近先後燈輸德國、哥倫比亞同埃及，不過志偉就唔識得呢位燈神，亦唔需要Lulu做佢嘅明燈:「我身邊都好多明燈，佢買親邊隊，我哋買對家就贏㗎喇，最驚佢唔買。」
志偉今日出席奇華餅家80周年活動，佢已經擔任代言人23年，志偉仔仔曾國祥同女友王敏奕近日搬入貝沙灣好宅，兼傳出婚訊，但志偉對於飲新抱茶都係抱隨緣態度:「我覺得無咩所謂，佢想結婚咪OK囉，佢唔想住咪算囉，結婚嘅係佢唔係我，最重要係佢哋都想，我就絕對支持。」
志偉剛剛去完加拿大，賀三哥苗僑偉登六。