【健康湯水食譜】霸王花羅漢果湯捱夜最啱 清熱潤肺降虛火喉痛

撰文:尹嘉蔚
出版:更新:

捱夜通頂睇波,致虛火上升,喉嚨痛、眼乾無精神,第二天如何上班?
中醫建議霸王花羅漢果湯可稍清肝肺虛火,緩解虛火帶來的不適。
攝影:尹嘉蔚

用霸王花、羅漢果及甘筍煲湯,邊飲邊覺得超級滋潤清甜!即使沒有瘦肉也可有啖靚湯,加些許炒米便可以令湯更香及更有存在感。
霸王花羅漢果湯

睇波捱夜,趕工作、趕功課捱夜,「夜瞓、捱眼瞓」翌日變熊貓外,亦容易傷陰,引起虛火,症狀包括咽痛、眼乾、口苦及身熱。請教註冊中醫師陳俊傑,常用湯水霸王花煲羅漢果可清熱潤肺,素湯水可以捨去瘦肉,改以炒米代替,你沒有聽錯,是孕婦產後補身的炒米,炒米煲湯,湯底清甜,可媲美合桃及腰果。

霸王花羅漢果湯食譜

按圖了解此湯的食材療效:

+2

陳俊傑醫師對「霸王花羅漢果湯​」食用建議︰

清熱潤肺、袪燥、潤腸、止心煩口渴及益咽利喉,特別適合喉嚨乾涸及燥熱人士飲用。
可微清肺及肝火,緩解虛火引起的咽痛、眼乾、口苦及身熱。
湯品偏涼,每周一次便可,陰虛體質及脾胃虛寒者慎服。

食譜

霸王花羅漢果湯(煲)

材料

霸王花50克、羅漢果1個、米30克、甘筍半條、水2.5升、鹽適量

做法 1.將霸王花及羅漢果洗淨,打碎羅漢果;洗淨白米待乾;洗淨甘筍。
2.用白鍋,以大火將米炒約5分鐘至略帶金黃及有米香。
3.將所有材料放入煲內,加水,煲滾後,轉慢火煲1小時。
4.加適量鹽完成。

其他湯水食譜

【健康湯水食譜】蘆筍粟米番茄湯 養脾補腎抗疲勞

蘆筍粟米蕃茄湯食譜

【健康湯水食譜】蓮藕眉豆花豆湯 強效去濕抗疲勞抖擻精神

蓮藕花豆眉豆湯食譜