做埋老公梁朝偉經理人？ 劉嘉玲有自信：一定會好好保護佢
撰文：冼燕珊
出版：更新：
日前梁朝偉透過妻子劉嘉玲對外公佈，他與澤東電影結束經理人關係，如有工作就聯絡太太劉嘉玲，換言之，嘉玲暫代偉仔經理人一職。嘉玲今日(25日)與拍檔謝君豪現身商台為舞台劇《奪命證人》做宣傳，回應擔任影帝老公經理人一事。
劉嘉玲今日與拍檔謝君豪現身商台，為舞台劇《奪命證人》做宣傳，並回應擔任影帝老公經理人一事。（陳順祺攝）
嘉玲一聽到記者嗌她做「超級經理人」，她馬上澄清：「唔係經理人，係聯絡人啫，我係一個聯絡站，唔係我主動提出，我最好同佢喺工作上畫清界線，佢個經理人合約到咗，暫時未物色到適合佢嘅經理人，呢個世界上，我諗除咗佢阿媽，我應該係佢最信得過嘅人，所以搵我暫時做住聯絡人。（大家咁熟，係咪做聯絡人都唔會特別麻煩呢？）唔會麻煩，我一定會好好咁保護佢。」
嘉玲說，除了偉仔阿媽，她是偉仔最信得過的人，一定會好好保護他。（陳順禎攝）
近年熱衷演出舞台劇的嘉玲，表示老公偉仔都躍躍欲試，「我好清楚佢適合同唔適合咩工作，我一路都覺得佢應該係一個好好嘅舞台劇演員，不過佢可能都會好大壓力，哈哈，佢依家都心郁郁，都想嚟睇吓我哋綵排係點樣嘅情況。」一同接受訪問的謝君豪說：「咁你加多兩錢肉緊說服佢啦！」嘉玲表示好想睇老公偉仔同謝君豪合作，金馬影帝同金像影帝一齊演出舞台劇，真係令人非常期待！
嘉玲指偉仔有興趣演出舞台劇。(視覺中國)