【深宮計】爆笑NG片段流出 胡定欣一講錯對白就唱歌

撰文:冼燕珊
出版:更新:

TVB劇集《宮心計2深宮計》將於今個星期日(7月8日)大結局,劇中對白運用大量成語和艱澀字詞語句,演員要一邊交戲一邊背誦台詞,真係一啲都唔容易,所以NG都係無可厚非,日前流出兩段《深宮計》NG片段,演員前一秒凝重地說著對白,NG之後一秒破功,引起全場大笑,反差非常大,反而更好笑。

TVB劇集《宮心計2深宮計》對白艱澀,令演員經常NG。(影片截圖)

原來視后胡定欣NG最鐘意唱歌,仲自創樂曲旋律,非常搞笑,被網友大讚可愛。另一段係馬浚偉(馬仔)冊封鄭純熙(周秀娜飾)為正二品昭儀,馬仔一時之間忘記封號,獲工作人員提醒,但佢聽錯做「正二品超人」,胡定欣馬上搞笑地擺出超人姿勢。

點擊觀看:

蕭正楠雖然將成段台詞完整咁背出來,但因為每個詞語都有加強語氣,令馬仔忍唔住笑場,連蕭正楠都笑言:「係咪唔知我講咩呢?但我係跟足劇本讀㗎。」

飾演太醫的鄧英敏,都NG得好高質,先以「咁咁咁,咁咁咁咁」來代替對白,令全場台前幕後都失笑,之後再來一段以講到好似就嚟斷氣的語氣讀出:「本身依家微眽,欲絕,呼吸,困難……」被蕭正楠取笑:「你好似仲大鑊喎!」

點擊觀看:

呢條都好好笑!

點擊觀看:

+4

【深宮計】太平公主看似無情卻有情 踏上成魔之路只因要保護摯愛

【深宮計】胡定欣被指造型欠霸氣 細數歷代皇后最靚一定係佢

【深宮計】周秀娜被TVB封殺缺席宣傳 與陳煒劉心悠戲外重聚