昨晚網上流出一張疑似自認開車撞跛狗的WhatsApp對話截圖，其對話提到事主不滿狗隻經常偷襲他，所以撞跛了其前腳，但事主今日回覆我們指：「係誤會嚟，隻狗嚇親自己撞埋牆！」

有關WhatsApp對話截圖昨晚在facebook專頁「貓貓狗狗世界趣聞快快樂樂毎一天」發佈，圖中所見，有一名叫Roger的人說：「呢隻衰狗成日想偷襲我，今次畀我嚇到撞跛隻左前腳。」並附上一張狗隻站於車前的照片。

網上流出一張疑似自認開車撞跛狗的WhatsApp對話截圖。（facebook：貓貓狗狗世界趣聞快快樂樂每一天）

不少網民看到後表示憤怒，批評事主「冇人性」，甚至咒罵他「你也會好快撞車死」、「等睇車主唔死得返一隻左腳」、「你大難不死也終身殘廢」等。

有不少網民留言咒罵Roger。

《香港01》聯絡了事主Roger，他指事件是昨天發生，但他不願透露事發地點，只說是香港的鄉村地方，並解釋事件只是個誤會，他說：「我開車，隻狗嚇親自己撞埋牆，啲狗咁醒點會畀車撞啊，撞到細路都未撞到佢啦，我點會明知犯法嘢仲拎出黎講啊，傻㗎咩！張相入面㗎車唔係我㗎，我邊有錢揸Benz！」

Roger向我們提供照片及片段指撞傷的狗隻現時並無大礙。（Roger提供）

Roger亦提到該隻流浪狗現時身體並無大礙，但事件發生後未有帶狗隻給獸醫檢查，並謂：「今日都見佢已經無事，行得走得。」

事件在網上公開後，有不少網民打電話及發訊息給Roger，指罵他虐狗，對此，Roger表示：「都唔知點解會搞到咁大件事，啲人係咁叫我快啲上水，又話要報警，我都同佢哋解釋咗，但我唔怪佢哋，佢哋好有正義感，要繼續鬧我都會同佢哋繼續玩！」

Roger亦表示該隻流浪狗有另一隻同伴，而兩隻狗平日都對人不友善，他指：「咩狗係人類嘅好朋友，狗同人一樣好鬼衰，嗰兩隻狗好似流氓咁，專烚女人細路，成日跟喺女學生尾，作狀想咬佢地咁，嚇到啲女人係咁叫！餵嘢食畀佢，佢仲想咬返人啊！」

有網民留言指要報警處理事件，但Roger表示他沒有犯法，不介意他人怎麼說。

向來重視動物權益的立法會議員鄺俊宇表示：「喺對話中見到佢（Roger）好輕率，覺得呢件係趣事嚟，其實一啲都唔好笑，因為無論你用咩方法令到隻狗受傷都係錯誤嘅，而且係有機會觸犯《防止殘酷對待動物條例》，希望呢一個人佢要留意下。」

此外，鄺俊宇指現時《道路交通條例》未完善，貓和狗未有納入條例中，現正進行公眾諮詢修訂條例，以保障貓貓狗狗的生命。

司機不滿惡流浪狗 開車撞跛狗前腳？ 事主：係隻狗自己撞埋牆！