拍日版《SUITS》與織田續「前緣」? 鈴木保奈美:我會主動進攻

撰文:陳栢宇
出版:更新:

日本女星鈴木保奈美在神級日劇《東京愛的故事》(1991)中與織田裕二火花不斷,搞到好多日劇迷去到今時今日仍然翻煲劇集,回味故事結局為大家帶來的遺憾美。雖然「赤名莉香」和「永尾完治」最終未能一起,但鈴木保奈美和織田裕二好快便會再度攜手合作,齊齊為日本版《金裝律師》(SUITS)粉墨登場,不過兩人相隔27年再度重聚,並非重現《東》劇的戀人關係,而是飾演上司下屬。鈴木保奈美在戲中飾演律師樓老闆,而織田裕二則飾演她律師樓的精英律師。

至今仍有不少觀眾翻煲鈴木保奈美和織田裕二主演的《東京愛的故事》。(網上圖片)

首次挑戰律師角色的鈴木保奈美受訪日本傳媒訪問時直言期待:「我喺《金裝律師》裏面有主動進攻嘅一面,好期待拍攝嘅時候。」提到與織田裕二再度合作,她說:「拍《東京愛的故事》嘅時候,我啱啱先出道,真係只能夠諗自己嘅演出,冇注意到拍對手戲嘅織田裕二同其他演員。睇到織田裕二活躍咗咁多年,都好期待同佢事隔27年嘅合作,而且都對佢係用點樣嘅心情去拍呢套劇好有興趣。」又笑謂演律師好玩:「劇中都是高智商嘅人,感覺就好似用法律嚟玩遊戲咁,呢啲都係呢套劇嘅魅力所在,比起超級認真嘅嗰種律師,我希望能夠塑造一個游刃有餘嘅律師。」

鈴木保奈美在劇中飾演律師樓老闆。(《金裝律師》造型照)