試玩喪屍館大叫救命 梁嘉琪:我問工作人員想中途離開得唔得?

撰文:趙允琳
出版:更新:

梁嘉琪今日(12日)主持實境喪屍館開幕禮,她表示場館選在一個荒廢已久的商場是一件非常瘋狂的事,她稱之前挑戰日本急樂園的鬼屋時還算是可以忍耐「捱埋佢」,但今次卻令她大呼救命:「呢度真係好大,我有問工作人員如果我想中途離開得唔得,佢話『sorry呢度無得中途離開』。平時玩一個鬼屋係10分鐘之內,但係玩呢度係要半個鐘困喺度!」

嘉琪細聲說幸好Julio不知道她的陳年往事,否則他一定不會跟她玩!(葉志明攝)

她稱幸得Solar大孖(Julio)跟她一起率先試玩:『我已經係開住燈玩,但我一開始已經係癲咗!我同Solar Julio一齊玩,之後我係咁扯住佢,然後佢係拖我,我係一路冼住咁入去!」嘉琪笑稱玩完後終於明白為何工作人員要分開她跟馮盈盈:「我行到尾嘅時候聽到有人喪叫嘅,跟住有人同我講,因為原來盈盈啱啱開始玩,我以為我自己已經好勁,我輸畀佢啊!」

嘉琪自爆以前試過跟男神一起玩鬼屋被嫌棄:「佢一出到嚟話要同我絕交!因為我係咁搲佢啲肉搲到有痕,佢話『我唔要再同你玩!』結果嗰次之後就真係無朋友再肯同我玩!」

睇《屍殺列車》嚇到要坐男友大髀  馮盈盈:佢就覺得Sweet!

嘉琪笑稱如果孖住馮盈盈一起玩,應該會大叫到令所有工作人員耳聾。(葉志明攝)