【過街英雄】森美被老婆嫌細隻咗:我要大隻返回饋佢!

撰文:賴家杰
出版:更新:

森美和黃翠如今晚(14日)在油麻地出席無綫新劇《過街英雄》煞科宴。森美接受《香港01》訪問時坦言有不捨得的感覺:「喺廠拍嘅時候個環境都係好黑,今日見到班幕後原來咁靚仔同有型!雖然拍攝只係短短三個月,但都好快樂,大部份時間好快,可以講係我人生當中難忘嘅經歷。」

森美和黃翠如今晚(14日)出席無綫新劇《過街英雄》煞科宴。(黃國立攝)

森美亦大讚劇集好難得男女主角沒有感情線:「TVB好多時候男女主角都會有愛情,今次係純友誼,都幾啱小朋友。」講到拍檔黃翠如,他說:「之前我已經同佢合作過,覺得佢係一個好率性嘅人,到今次合作幾個月,就發覺到佢唔係平常嗰種藝人,佢仲有份坦率,好真誠,有好嘅一面,我諗係香港難得見到嘅好女仔,真係少見。」

講到之後計劃,本身已經弗爆的森美就指自己會再操弗一點:「操弗係興趣嚟,嗰個係本身興趣,希望做返弗嘅自己,其實係我太太係喺屋企見到我同我講我細隻咗,太太咁講就唔得啦,佢照顧屋企咁辛苦咁我要用大隻回饋返畀佢。」

森美坦言原本計劃拍完劇後會跟家人去旅行,但因為年尾也有很多工作,所以最後決定只負責出錢請他們去旅行。(黃國立攝)
+2