【勁歌金曲2018】菊梓喬首奪最受歡迎女歌星:「我唔喊!忍!」

撰文:李婉文
出版:更新:

菊梓喬(Hana)昨晚(12日)出席《2018年度勁歌金曲頒獎典禮》,一口氣連奪六獎成為大贏家,當中更首次奪得「最受歡迎女歌星」,氣勢如虹。Hana在台上講述得獎感言的時候,先呆了幾秒,然後說了一句:「我唔喊!忍!」被問到當時感受,她表示:「我係控制唔到自己情緒,而我係好少會控制唔到,個下我係覺得受寵若驚,之前都有好多人講(Hana會奪女歌手獎),但我自己無諗過,其實係一件開心事,所以太激動啦。」她亦對自己今年的成績非常滿意。

Hana首次奪得「最受歡迎女歌星」一獎。(葉志明攝)

Hana十三歲輟學開始踏入社會,現在有不錯的成績,會否覺得多年來的努力沒有白費?她慨嘆:「人生啊!我真係好鍾意音樂㗎,音樂救咗我,如果我無咗音樂,我覺得我根本唔可以撐過嚟。呢幾年做咗歌手,有咗自己嘅音樂,亦覺得自己個世界好美好。」

Hana指在講「最受歡迎女歌星」獎的得獎感言時,心情非常激動。(葉志明攝)

踏入2019,有了一個好開始,事業得意,Hana會否考慮找個另一半去一起分享快樂?她表示:「愛情係每一個人都需要嘅,我亦都覺得愛情係人生不能缺少嘅一個元素。」並沒有正面回應。

Hana指來年也會將重點放在音樂上,希望會揀選到受大家喜愛的歌曲。(葉志明攝)