【雞翼食譜】香甜惹味可樂雞翼!煎香再滾20分鐘即成

撰文:唐家儀
出版:更新:

雞翼的煮法千變萬化,今次帶來甜的雞翼,以可樂作調味,先煎香雞翼再滾大概20分鐘即成。煮好的雞翼,甜得來又惹味,不用太多調味都已經好吃,難怪成為派對場上的搶手小食!
攝影、攝錄:劉晴、王夕子
剪接:劉晴

有唔少人都對雞翼情有獨鍾,儘管吮骨有失儀態,都不顧一切要食雞皮、嚐雞肉。

雞翼有好多種烹調方式,純粹煎香又得,加醬料炒香亦得,今次就帶來甜蜜蜜的可樂雞翼。雖然外表烏卒卒,你以為是煮燶了?但其實是可樂顏色完全滲入雞皮,甚至雞肉,令其不用加調味都已經夠甜蜜。

雖然外表看似煮燶,但其實是因為可樂顏色是黑色而做成此效果。下次可以試用透明可樂,令其不會變成黑色。

可樂雞翼經常成為派對場上的指定小食,事關夠甜夠惹味,相比其他要炸或爆炒的雞翼,不會吃得太狼狽。

甜蜜蜜,又香口,不自覺地會吃下很多隻。
健康小貼士: 一罐正常的可樂,100毫升當中有42卡路里,如用一罐大概350毫升的可樂,則大概147卡路里。若果健康一點,建議用健怡可樂來煮,味道相差不大,同樣做到可樂雞翼甜蜜的效果。
可樂雞翼食譜

相關食譜:【雞翼食譜】金黃起沙鹹蛋黃雞翼 鹹香脆口極邪惡!

鹹蛋黃雞翼食譜

相關食譜:【雞翼食譜】薯仔燜雞翼連汁都撈埋!童年最愛家常菜

薯仔燜雞翼食譜
食譜 可樂雞翼(煲)
材料 雞翼10隻、可樂1罐、蒜頭2瓣、米酒2湯匙、老抽3湯匙
做法 1. 雞翼洗淨抹乾,備用。
2. 蒜頭切成蒜片或蒜蓉,備用。
3. 燒熱鑊落油,以蒜蓉煎香雞翼兩面。
4. 加入米酒、老抽和可樂,以中火煲煮18-20分鐘即成。