淘寶精人妻堅買寧采臣書生籃 新搞作係想買「擔挑」給老公

撰文:卡洛兒
出版:更新:

「只有想不到,沒有淘不到」,淘寶是不少人妻至愛。早前一位「淘寶精」人妻看中《倩女幽魂》中男主角寧采臣常揹着的背包,有意用來買餸,但被丈夫勸道「唔好咁黐線啦」,兩公婆對話令網民爆笑。
事隔幾天,這位人妻又在facebook群組分享其新搞作,指打算購入以前運送貨物用的擔挑,讓他可以不用那麼辛苦拿着餸菜,不過丈夫以「唔用呢支都有手拖住你」為由拒絕,隨即將爆笑帖文變成可惡放閃帖,網民也忍不住說「你兩公婆無得輸」。

人妻打算購入以前運送貨物用的擔挑,為丈夫分擔一下買餸之「重」。(淘寶網圖片)

下載「香港01」App ,即睇城中熱話:https://hk01.app.link/qIZYuEC5LO

上次淘「寧採臣書生籃」失敗後,這位極具創意的人妻Kennedy仍未心息,決定繼續就買餸問題尋寶,昨日(28日)就在facebook群組「淘寶開心share」分享搜尋結果。她在帖文指,如果太太們將買餸責任交給老公,但又不想對方「咁辛苦拎住啲餸」,可以買支擔挑給他,「等佢擔返屋企好了」,更直言「冇錯啊,我想買埋呢支畀我老公」。

不過有此想法都要過到老公那一關,Kennedy其後貼出跟老公的對話截圖,對方表示「我唔用依支都有手拖住你」,但Kennedy即撒嬌稱「你用佢咪可以攬住我囉」,老公反問「我強壯的臂彎不夠嘛?」她就直指「你果啲係肥」,完全進入耍花槍的局面。老公最後表示,「忽然深深感受到,老婆為了說服老公畀佢淘寶,咩都講得出嘅毒性」,又指「有啲嘢睇下就好了,如果唔係10隻手指都唔夠斬」。

人妻在fb群組「淘寶開心share」分享搜尋結果,指可以買支擔挑給老公買餸。(fb「淘寶開心share」截圖)

帖文不但閃盲網民,更帶來很多歡樂,有人指兩公婆可以「一個用書生籃一個用擔挑咁買餸」,又笑言帶擔挑出街「應該由買菜,變成賣菜」,但有網民則表示「唔好呀,警察以為你係無牌小販」。另有人笑稱,樓主老公「今次唔係删app咁簡單,係要將屋企所有有數據上網既嘢毀滅」,亦有人關心書生籃的去向,樓主指「聽日到倉」,令大家十分期待。

↓↓↓ 網民爆笑留言 ↓↓↓