柴灣居民家中活捉檐蛇 發po問點做好? 網民爭領養:益蟲嚟!

撰文:謝茜嘉
出版:更新:

近日天氣炎熱,家居昆蟲紛紛要出來抖氣,嚇得人「心都離一離」。有網民近日於facebook上載相片,表示在家中捉到檐蛇(四腳蛇或壁虎),但不知該如何處理,遂請教網民意見。他們紛紛稱叫樓主要放生,更有不少人稱願意領養,「食蚊㗎!好嘢嚟㗎!」、「畀我啦,幫你領養佢」、「放走佢啦,對屋企冇害!」。

有網民近日於facebook上載相片,表示在家中捉到小壁虎,但不知該如何處理。(fb專頁 「柴灣人柴灣事」圖片)

下載「香港01」App ,即睇城中熱話:https://hk01.app.link/qIZYuEC5LO

該網民於fb專頁 「柴灣人柴灣事」上載相片,表示最近於家中捉到檐蛇,但未知如何處理是好,遂向網民請教意見:「家中發現小魔怪,應如何處理?」相中可見,檐蛇被捉後「眼仔碌碌」四圍望,似乎想掙扎逃走。

網民留言建議樓主↓↓

不少網民留言建議樓主放生,「放生,佢會幫手食家居害蟲」、「由佢在家走嚟走去就得」、「唔好殺佢呀,益蟲嚟」。有網民更笑言:「鱷魚嚟架好補㗎!」、「樓主唔要,不如我領養啦。」

(fb專頁 「柴灣人柴灣事」)