【健康湯水】番茄薯仔花甲湯清熱生津 加一種材料平衡花甲涼性

撰文:鄧穎琪
出版:更新:

前陣子向一位大廚請教蜆類分辨的小貼士,因為要拍照緣故,他預留了大批沙白、花甲……等給我,這些貝類生命短暫,訪問完一定要即晚食用,我問大廚該如何是好,他就建議我整涼拌花甲,以及煲個簡易的番茄薯仔花甲湯。明天便是7月盛夏之時,外出不消一會已汗流浹背,這個湯正好適合出汗後飲用,解口渴並補充水分。
攝影:鄧穎琪

番茄薯仔花甲湯是一個簡易的滾湯,花甲主要都是三個步驟,吐沙、氽水、起肉,大廚推薦花甲,貪它鮮甜啖啖肉,個人亦認為花甲較其他蜆類少沙。然而,記得花甲別太早放湯,否則會太韌;至於其他材料,切塊煲到出味就可以了,家人有時會加唐芹,不過唐芹味道未必人人接受,讀者按口味決定就好。

不時都會飲番茄薯仔湯,有時配肉碎、有時配魚,配花甲還是第一次,多了一陣鮮甜。有人會將烚蜆的水留起來放湯,或許對提味真有幫助,可是氽水的水始終不太乾淨,個人就不太建議,除非事前已徹底洗淨吧。

除了飲湯之外,這個酸咪咪的湯,加碗白飯就可以當成開胃的湯飯了!

番茄薯仔花甲湯食譜
整個湯有清熱生津、健脾和胃功效,適合夏天出汗多時飲用,既能清熱又可改善流汗後的口渴感。
註冊中醫師邱穎琳

按圖了解此湯的食材療效、注意事項及食用建議:

+4

相關湯水食譜:

【夏天湯水食譜】勝瓜草菇雞粒湯清熱解暑 哪類人不宜飲用?

勝瓜草菇雞粒湯食譜

【健康湯水食譜】薯仔蒟蒻牛蒡湯 高纖減磅降血糖

薯仔蒟蒻牛蒡湯食譜
食譜 番茄薯仔花甲湯(煲) 
材料 番茄3個、薯仔2個、洋葱半個、花甲半斤、水1公升、鹽2茶匙、糖半茶匙
做法 1. 番茄、薯仔洗淨後切塊,洋葱洗淨切片備用。
2. 花甲加鹽水吐沙30分鐘或以上,煲滾一鍋水,將花甲氽水至略開口,起肉備用。
3. 煲滾一鍋水,放入番茄、薯仔和洋葱,大火煲10分鐘後轉小火煲30分鐘。
4. 花甲放湯再煲3分鐘,加鹽、糖調味,即成。