【全民造星II】粉絲嫌決賽太少觀眾名額 花姐︰其實上年都少位㗎

撰文:李婉文
出版:更新:

ViuTV大型選秀節目《全民造星II》決賽在即,十強參賽者出席活動,為自己拉票,除了師兄MIRROR出席為他們打氣外,節目監製兼MIRROR經理人花姐(黃慧君)也在場。很多粉絲都非常關心決賽的安排,花姐接受《香港01》記者訪問時透露更多。

《01最賞睇娛樂大獎》「最有話題新聞」包括我最喜愛男歌手、車廂偷食等統統上榜!立即投票贏取超過70萬元豐富獎品,包括終極大獎旗艦手機11 Pro Max,同埋01積分等。

十強參賽者(左起︰Phoebus吳啟洋、Oscar Li李祉均、Mike曾比特、MC張天賦、Tank梁德忠、JJ范卓言、Brian阮頌揚、George歐鎮灝、Hugo丘凱雄、Justin陳樂)為自己拉票。(梁碧玲攝)

近來多場演唱會因交通安排問題而取消,花姐透露︰「初初公司有咁提議過嘅(不設現場觀眾),因為嗰時啲交通工具都未可以好正常咁運作,好早就收,我哋擔心開到咁夜,觀眾走唔走到,後尾而家安排咗有Shuttle Bus可以送到觀眾去有車搭返屋企嘅位置,同埋我哋都知道好多粉絲都好想嚟睇,所以我哋盡量都希望有觀眾。(但係名額好少?)其實上年都少位㗎,其實香港可以表演嘅場地唔係好多,當然我哋冇去到紅館咁大,我哋冇咁多粉絲啦,其次就九展就唔係成日都有場,所以今次已經book咗邵氏最大嘅廠,其實個位都keep返上次咁,都有800至1000。」

花姐指太多人想入場看,所以希望盡量滿足到大家。(梁碧玲攝)

至於大家都關心的評判名單,去年有重量級評判團︰環球唱片(香港)董事總經理黃劍濤﹑「玉女獎門人」周慧敏﹑國際星級排舞師Travis Payne、金像獎最佳導演劉偉強和ViuTV總經理魯庭暉。花姐說已經落實了今年的評判名單,但他們想暫時保密,「因為今年有好多參賽者都同我哋啲評判係識嘅,我哋為咗公平起見,我哋就唔想公開住。(參賽者都唔知?)唔知㗎,冇人知道。」到決賽之夜就自有揭曉!

點擊下圖睇吓更多十強拉票日靚相︰

+12