【爸爸有愛】食店老闆陪囡囡溫書 放棄四日晚市搵少啲錢
撰文：李紫銘
出版：更新：
臨近考試周，不少家長都想抽空陪子女溫習但奈何工作要緊。最近，一間位於灣仔的麵館門口張貼著一張特別的告示，不難看出是小朋友手寫的字體，上面寫著：「致各位貴客，因爸爸要和我溫習考試，所以在7、8、9、12號的晚市未能為各位煮麪，敬請原諒！」十分溫馨。
陳爸爸：年年都係咁
網絡圖片
「賺少幾日錢」對不少打開門口做生意的老闆來說是難以接受的，畢竟香港租金、店舖水電以及薪金的支出龐大。不過，近日網上流傳一張來自灣仔「車麵館」的圖片，門口張貼著車麵館陳爸爸女兒手寫的告示，指爸爸將會在特定日子陪自己溫習，晚市不做生意！一眾網民大讚爸爸為了女兒放棄賺幾日錢。
記者就此事致電查詢，忙得不可開交的陳爸爸未有與記者詳談，只是簡單回應：「張告示係囡囡親手寫，其實年年都係咁！」
網民點睇
+3