【武漢肺炎】《世紀之戰》神預言搶廁紙 「呢個到底係咩世界?」

撰文:陳芷穎
出版:更新:

「武漢肺炎」疫情繼續肆虐,香港的肺炎確診個案上升。為求自保,市民連日來排隊搶購口罩、消毒用品等等。日前網上傳出兩間廁紙廠商快將停產,大批市民隨即擁到超級市場、藥房搶購廁紙,對於廁紙瞬間一掃而空,不少人大感無奈。

網上瘋傳一段亞視劇集《世紀之戰》的短片。(《世紀之戰》截圖)

昨日(6/2),網上瘋傳一段亞視劇集《世紀之戰》的短片,講述方新俠(劉青雲飾)叫身邊的朋友以高價買入廁紙,朋友(程東飾)即反問:「入廁紙?炒到200蚊一卷喇!」方新俠說:「低過400蚊我都照入!」身旁的伯伯大感無奈:「廁紙都成幾百蚊一卷,估唔到我辛辛苦苦捱咗成世人,到頭來唔夠收埋幾卷廁紙賺咁多,呢個到底係咩世界?」而一名女士為伯伯遞上一卷廁紙,大方說:「攞去用,唔夠我仲有。」片段一出即被網友瘋狂洗版,紛紛說劇情完全是諷刺現今的香港社會實況:「2000年的舊劇神預言20年後的今日。」、「亞視走前咗20年。」、「不愧為香港人嘅電視台。」

逐格睇《世紀之戰》神預言香港現況:

+3

《世紀之戰》是TVB神劇《大時代》的續集,原名是《大時代2世紀之戰》。監製韋家輝、三位主角劉青雲、鄭少秋,郭藹明重新打造《大時代》續集。不過後來因版權問題劇名改做《世紀之戰》,而角色名亦要全改。可惜當年在香港的收視一般,反而在北京成為收視之冠。