陳瀅滯留加拿大近4個月終返港　IG直擊檢疫流程：記得食飽！

新冠肺炎（新型冠狀病毒、COVID-19）疫情影響下，各國都實施入境強制隔離，航空公司亦大幅削減國際航班。陳瀅（Jeannie）一月返加拿大探親後一直滯留，呢日終於返香港啦！佢由啟程上機到檢疫完畢返到屋企，全程喺IG直擊，仲大呻13個鐘機程只得3枝水同麵包好肚餓。

Jeannie話原來現時航班再沒有提供熱食同飲品，13小時只得3枝水及唔想食嘅麵包，提醒大家記得食飽先上機。抵港過關並帶上電子手帶後，馬上到機場博覽館接受深喉測試，之後到酒店隔離等候深喉測試結果出爐後先可以返屋企隔離，Jeannie除咗準備定近期大熱嘅遊戲外，仲同網友玩網上問答。佢話自己由機場到酒店大約等咗3個鐘，喺酒店由晚上9點等到第2日3點先有深喉測試結果，呢14日諗住好好執屋。