熟女強人︱洪卓立驚現老態皮膚下垂 網友：佢睇落仲老過沈卓盈
撰文：洪曉璇
出版：更新：
ViuTV劇集《熟女強人》正在熱播，戲中胡杏兒、沈卓盈、吳家麗等多位女角故事雖為主幹，身邊男士亦相當重要。劇中沈卓盈遇上PTBF駱振偉，令暗戀佢嘅下屬相當緊張。有網友驚覺呢位稍胖顯老態嘅，竟然係曾經嘅小鮮肉洪卓立！
當年剛出道嘅洪卓立真係好靚仔﹗（網上圖片）
+6
1987年出世依家先33歲嘅洪卓立，2006年度英皇新秀歌唱大賽奪得亞軍而晉身樂壇。主打清新花美男路線，外表俊朗，歌聲溫暖，出道無幾耐一首《彌敦道》令佢爆紅，「街邊太多人與車 ／繁華鬧市人醉夜」，幾乎唱到街知巷聞。可惜其後因為肺積水休息一年，令聲勢無以為繼。
ViuTV劇集《熟女強人》中，洪卓立暗戀上司沈卓盈。（《熟女強人》劇照）
近年佢有繼續出歌及拍戲，但未能重回主角之列。呢次喺《熟女強人》中飾演證券行財經分析師，沈卓盈下屬並暗戀對方。早幾日播出佢揭穿PTBF駱振偉已婚，喺街頭對質嘅場口，見到佢身形漲咗好多，面部鬆弛完全唔似33歲。網友不禁留言驚嘆：「洪卓立開始變中佬」、「點解老得咁快嘅，皮膚好似下垂咁」、「佢睇落仲老過沈大師」。
點擊逐格睇：
+13