張鈞甯被網友質疑曾整容　貼童年照大反擊：快跟我一起動！

台灣氣質女神張鈞甯，無論長短髮都咁靚，但最近微博有網友搵出佢讀書時嘅舊照，並提出質疑：「張鈞甯的雙眼皮竟然是割的，不過好成功，整個人氣質都變了。」呢日佢就貼出童年照正面回應。

內地網友貼出多張女神讀書時期照片，的確當時未有大眼睛，雙眼皮亦唔明顯，惹來整容疑雲。張鈞甯呢日貼出童年照、初出道青澀照片及近期自拍照，大方對比回應話：「那些年內雙變外雙的女孩！沒想到運動送我馬甲線外，還送我雙眼皮！快跟我一起動！起！來！」