李璨琛為囡囡打造型格安樂窩 　８百呎三房兩套空間夠囡囡踩單車

屋邨出身嘅李璨琛，入行24年，早年成立個人品牌之餘亦開始北上賺錢，儲夠彈藥上車。自從囡囡李元元（Lucy ）出生後，老婆梁志瑩（Pae）為記錄囡囡成長而開設IG帳戶，令呢張兩歲嘅小朋友坐擁19.6萬FANS，受歡迎程度直逼爸爸。

Lucy同埋爸爸媽媽以及工人姐姐居於北角寶馬臺，由於屋苑地勢較高，大部分單位皆享開揚景致。就Lucy IG上載照片所見，佢所住嘅單位屬於單位約8百多呎（三房包括一套房加工人套房），玄關旁為廚房及工人套房，長型客飯廳足夠Lucy踩單車，而方型露台亦足夠容納小型泳池。