菊梓喬妹妹拍片進軍KOL界 樣貌反似另一位實力靚女歌手?

撰文:洪曉璇
出版:更新:

菊梓喬(Hana)簽約星夢後機會不斷,令自小要兼負母職湊大妹妹嘅佢終於可以鬆一口氣。原來Hana妹妹亦俏俏入行,以網名「三樓百胃Stomachguchi」進軍KOL界。見到佢左腳大腿至小腿有大片紋身,氣質同Hana截然不同。

菊梓喬簽約星夢後工作不斷。(網上圖片)
+18

Hana妹妹細佢一年,11月生日剛剛33歲,Hana曾經喺訪問中表示:「我畀晒啲錢佢(妹妹)讀書,佢逃學喎居然,我係唔食唔着唔瞓,打兩份工畀佢讀書,想佢至少要讀完中學先可以出去同人競爭,佢逃學喎竟然,捉過佢幾次,然後我扮家長去見家長。佢會考得2分咋,我諗起都好嬲,相信每個家長都會明白我個種心情。」

菊梓喬同妹妹生日只差兩日,11月22及24,HANA曾經喺IG貼出妹妹背影。(IG:@hana_kuk)

最近Hana妹妹的起心肝進軍KOL界,見到佢喺網上短片《憑實力單身》中飾演玩交友APPS嘅港女,黑面、藐嘴演得好到位。外形方面唔似家姐反而似歌手閻奕格,金色長曲髮,貼身連身裙騷長腿,驚覺佢手腳都有大片紋身。Hana接受訪問時承認妹妹拍片,仲笑言佢比自己演戲演得更好。

+15