香港愛情故事｜與羅天宇體驗蝸居 龔嘉欣：真係買個太空艙返嚟拍
撰文：洪曉璇
出版：更新：
龔嘉欣同羅天宇主演嘅劇集《香港愛情故事》，道盡土地問題令香港情侶嘅困擾。佢哋接受《香港01》訪問時大讚：「道具手足好用心，真係買個太空艙返嚟拍攝。」
真係有太空艙!（梁碧玲攝）
「01最賞睇娛樂大獎」即日起至12月23日接受投票喇，答埋簡單問題，隨時贏最新5G手機12 Pro！
動上羅天宇自彈自唱，冧到龔嘉欣眼濕濕：「其實我個人本身好易感動，喺戲中太空艙喊嗰幕，因為地方好細，得我自己對住鏡頭喊，天宇好好就喺旁邊唱歌幫手入戲，我喊到完全收唔到聲。」天宇就話：「現實生活中反而真係未唱過畀女友聽，呢幾日練得好辛苦，手都起枕。頭先全場靜晒真係超緊張。」
呢套戲有好多實景，佢哋不約而同好感觸：「唔止太空艙，仲有真係去劏房拍攝，真係好多身邊朋友面對嘅問題，可能好細單位間幾個地方，為咗有啲私人空間逼埋一齊。」就連戲中去時鐘酒店都係實景，嘉欣話：「劇組包晒全間時鐘酒店有兩邊，我哋就分別行咗參觀，幾新鮮嘅感覺。」
+2