愛美麗狂想曲|李佳芯廚房半裸用烈酒淋浴 視覺衝擊級誘惑陳豪

撰文:鄺鈺瑩
出版:更新:
李佳芯喺劇中陳豪秘書,為佢打點一切。喺最新一集,佢因為飲醉酒而走入陳豪家中……(影片截圖)

李佳芯向來甚少賣弄性感,但卻不時在劇中為觀眾帶來驚喜,由《波士早晨》嘅性感水着、《踩過界》貼身辣舞以及床戲、到《BB來了》以粉紅厘士吊帶色誘老公黎諾懿,視覺衝擊愈來愈高層次。

《愛》被喻出李佳芯「復出」之作,果然有驚喜。(影片截圖)

由李佳芯同陳豪主演嘅劇集《愛美麗狂想曲》,被安排於myTV SUPER播出。劇中李佳芯機緣成為陳豪嘅秘書,除工作上嘅安排之外,就連家頭細務都要參與。喺最新上架一集,講到李佳芯趁陳豪出差工幹時,偷入對方屋企沖涼、最後連大床都享用埋。或者係因為習慣成自然,李佳芯飲醉之後,又再出現喺陳豪家中,不過今次佢就唔係沖涼咁簡單,而係一絲不掛咁喺雪櫃搵嘢食!

交足戲。(影片截圖)

本身喺睡房嘅陳豪沿住「怪聲」走到廚房,見到全裸背面,仲以為係女友劉溫馨,點知行近一睇,竟然係李佳芯!飲到醉醺醺嘅李佳芯將自己當成花一樣,以烈酒灌溉自己,陶醉到咪眼又伸脷……喺陳豪嘅警告下,李佳芯將圍裙掛在身上,並直奔大床……短短兩分鐘嘅呢一幕,為觀眾帶來不同層次嘅視覺效果!視后果然係視后,最正嘅係翌日當李佳芯醒來之後,發現瞓喺自己屋企張床,第一句就係問:「我個bra呢?」

《波士早晨》呢一幕都係令觀眾十分振興。(影片截圖)

點擊下圖睇李佳芯裸命級誘惑

+50

點擊下圖睇李佳芯昔日的性感

+9