盤點黃曉明離譜寵妻行為　送林寶兼打造Angelababy銅像未算最冧

Angelababy日前在微博上澄清自己亦非第三者，而昔日口中嘅「海綿大哥」變成了「黃先生」，難怪再一次引起網友猜測二人是否已離婚。當年黃曉明同Baby拍拖時，二人雖然聚少離多，但每次放閃都令網民以為在看偶像劇。

同Baby拍拖期間，黃曉明心痛Baby拍戲辛苦，豪擲300萬買入有「移動豪宅」之稱嘅GMC豪華房車送給女友。而在Baby 25歲生日時，先係花8萬包場舉行party作頭盤，主菜係200多萬嘅林寶堅尼Gallardo Spyder，而當Baby揭開呢份停埋街頭嘅禮物時，本應身在台灣拍廣告嘅黃曉明安在車中並手執紅玫瑰，冧得Baby即場眼泛淚光。

Baby因到上海照顧生病的外婆而認識黃曉明，二人嘅世紀婚禮後特意選在外婆生日隔一日，婚戒由黃曉明親手設計，277粒讚石有「愛妻妻」的用意。

婚禮主場音樂係Justin Bieber《Baby》，席上黃曉明投妻所好，扮G-Dragon跳唱《Fantastic baby》，並宣布成立「關愛寶貝」基金，資助527位小朋友，數字的國語發音為「我愛妻」

婚後黃曉明嘅寵妻金句如「她是我最想要保護的人，我願意當她的擋箭牌、當她的垃圾桶、當她的暖手寶。」、「我的錢就是她的錢」、「只想把全世界最好的捧在你面前，你喜歡的就是我喜歡的。」、「你老說把我寵壞了怎麼辦，那就寵壞了好了。」……完全抽離唔到偶像劇情節。

賈乃亮曾在綜藝節目中爆料，指Baby喺橫店拍攝時，因為想食Häagen-Dazs，黃曉明於是將横店能夠買到嘅Häagen-Dazs全部掃入手，仲租埋雪櫃去放置。

黃曉明工作室放有一個銅像，該銅像係依照黃曉明同Baby婚照縮放製作。雖然唔少網友都覺得呢個銅像有點恐怖。

小S在節目上曾爆料，指黃曉明同Baby到大S屋企時，二人如同連體嬰。大S介紹家中擺設時，黃曉明只顧聞Baby頭髮，連大S都頂唔順，但黃曉明就話平時成日都係咁做，仲解釋因為Baby好需要安全感。