林二汶奪我最喜愛女歌手火速找數 宣布：三月尾紅館見！
撰文：洪曉璇
出版：更新：
林二汶奪得「叱咤樂壇我最喜愛的女歌手」。（林二汶Instagram圖片）
林二汶2001年首次以at17名義演出正式出道，今年剛好係入行廿周年。去年11月尾二汶入圍「叱咤樂壇我最喜愛的女歌手」時，曾預告如果得獎會籌備開紅館演唱會。喺元旦日舉行嘅《2020年度叱咤樂壇流行榜頒獎典禮》中，二汶大熱得獎，佢亦信守承諾即刻找數﹗
11月底曾經講過，如果最後贏咗就要開紅館騷！（林二汶Instagram截圖）
二汶喺1月22號中午於IG上載短片，佢喺紅館門外拍攝表示：「歡迎大家收睇瞬間看地球！大家睇吓？哇！哇！哇！哇！一剎那就睇完喇！多謝各位收睇！三月尾，紅館見！！！yeahhhhhhhh～～～～～～～～～#真找數#我攞到期喇！！！！！！！！#三月尾約定你#紅館再聚」令粉絲非常興奮﹗短短一小時已經超過1.5萬次瀏覽。
林二汶找數開紅館個唱啦﹗（IG：@lam2）
+7