范冰冰孤單食「情人節大餐」　暴瘦成網紅臉逛商場無人識

39歲嘅范冰冰自從同李晨分手後，生活變得形單隻影，情人節佢喺微博分享「情人節大餐」都只得單人份量，而且相當清淡。有網友上載照片，驚覺范冰冰瘦到變網紅臉，途人好多都認唔到佢。

有網友分享相片，話自己初二喺街頭撞到范冰冰，見到冰冰以休閒打扮出現，一頭長髮戴上畫家帽，雖然化晒妝，紅唇下都顯得憔悴，而且明顯消瘦不少，撐唔起長身西裝褸，而且面頰無肉V到好似網紅臉，網友指當時唔係太多人認得出范冰冰。