曾志偉促成與各大唱片公司破冰 形容似情侶嘈交：唔只係一拍即合
撰文：賴家杰
出版：更新：
曾志偉回歸TVB擔任高層後，除了人事有變動之外，他很快便有大搞作，第一個大搞作是與各大唱片公司破冰，今天（24日）志偉在TVB舉行音樂永續樂壇同享記者會，請來四大唱片公司高層與及高手，希望讓樂壇百花齊放。促成這次計劃，志偉接受《香港01》訪問時候表示並沒有用了很
長時間：「一啲都唔艱難，大家都知呢個世界咩都講雙贏，因為唱片業希望能夠喺TVB出現，我哋綜藝都想多啲歌手出現，就好似男女嘈交拎起電話大家點，然後一齊坐低傾下計，一對唔覺意鬧交但好想復合嘅情侶一樣，今次唔只係一拍即合，頭先大家食飯都好開心，話11年冇入過嚟，大家都講以前，將美好回憶拎返嚟。」
志偉哥形容TVB與4大唱片公司關係像情侶一樣，嘈交過後便復合。（葉志明攝）
志偉上班了一段時間，對於現時工作還未太習慣，他笑言：「每朝要9點返工對我非常艱難，以前先係床轉緊身，依家要返工仲要著呢啲衫，對我嚟講好難，然後開會多過食飯，都對我嚟講幾十歲仲有機會學嘢，係好事，你知我個人鍾意學新嘢，呢個對我嚟講新鮮。」
志偉每天只睡三小時。（葉志明攝）
未來新動向，大家都好關心志偉在綜藝上的發展，尤其是希望可以看見獎門人回歸，他說：「獎門人係比較後出現節目，我依家做緊行政上嘅事，邊有時間去兼顧，但長老們會好快同大家見面。我返嚟我都講過，三樣嘢要做，團結、努力、合作，呢樣好緊要，大家一定要進步，開心好緊要。」
外界盛傳《聲夢娛樂》的歌手未來並不明朗，但在記者會中志偉在台上直言希望四大唱片公司和星夢娛樂的歌手們可以同台合唱，大派定心丸。（葉志明攝）
早前播放的音樂真人show節目《聲夢傳奇》在志偉上位後便停播，志偉說：「外界成日都話會唔會冇咗《聲夢》，《聲夢傳奇》會唔會停拍，一定唔會停，因為對15個小朋友唔公平，只係希望我可以更完善。」
點擊下圖看更多直播截圖和出席歌手︰
+9
點擊下圖看看現場照片︰
+26