張敬軒「遮遮」災難式「美食」出現第二位受害人 早餐宵夜一樣樣

撰文:張嘉敏
出版:更新:

張敬軒 (軒仔) 自從去年10月聘請了新的工人姐姐「嬋嬋」(暱稱遮遮) 後,就搖身一變成為了「早餐界KOL」,因為他將遮遮為他炮製的早餐照片放上IG分享,瞬即備受網民關注,遮遮「獨特」的廚藝更是令網民嘆為觀止。軒仔品嚐過的遮遮愛心早餐包括有腐乳白粥、果醬麵包,菜心雲吞麵、多士以及香蕉雞蛋等,令他大感無啖好食,叫苦連天。

軒仔幻想中的早餐與姐姐牌早餐。(hinscheung IG)

最近有第二位「受害人」出現了,就是軒仔的好友王菀之(Ivana),Ivana於IG出Post表示:「好少出街,不過有啲人,突然想見...或者咁講,有啲年,係要開嘅!我得到一份宵(消)夜#赤口anytime#澱粉無極限」並post了遮遮式早餐,網民即估到她是去了軒仔的家中作客,又笑指宵夜竟然跟早餐是一樣的。軒仔就留言表示:「阿遮話 #招呼唔到 #個意思係你嘅食量佢招呼唔島 #佢動心嗰島名# 佢話佢瞓先」相當搞笑。

點撃睇遮遮曾為張敬軒準備的「豐富」食物:

+45