鍾嘉欣打拚17年辛酸講到喊 自爆娛樂圈唔易捱:好多時得自己一個

撰文:賴家杰
出版:更新:

鍾嘉欣近來積極拍片然後再放上自己的YouTube Channel,來到最新一集,這次邀來她的頭號粉絲Queenie和她一起拍攝,Queenie原來已經做了嘉欣的粉絲已經超過十年,而這集主題是圍繞著嘉欣對粉絲的回憶,嘉欣說:「好少咁嘅場合見到你哋,我最記得回憶係台慶頒獎禮之後見你哋對我嘅支持同信心好勁,每一年你哋都希望我拎到獎,但好多時候都冇拎到獎,但一出嚟見到你哋,個一下真係好鬼感動。」

嘉欣感激粉絲對她的不離不迷。(YouTube)

對於粉絲經常這樣等待她,Queenie透露當年原來背後是需要排通宵,更要自備睡袋,嘉欣聽完後完全不知情,更驚訝的說:「見得5分鐘至10分鐘個陣時,真係好感動呢件事,我真係唔知。」嘉欣同時好奇當年有楊怡、胡杏兒、陳法拉和徐子珊等,為何會選擇做她的粉絲呢?Queenie回應:「因為妳個人夠真,首先劇集會覺得呢個女仔靚女拍戲又好睇,睇訪問談吐又覺得妳會想宣傳正能量畀大家,之後就覺得呢個偶像唔錯。」嘉欣回想起Queenie做了她粉絲也十多年,這種專一程度令她大讚「勁過男朋友」。

在這集影片中,嘉欣與Queenie聊到在演藝圈工作了17年,期間拍劇無數,亦開過演唱會,也曾因為結婚生子離開香港多年,說到這嘉欣更感慨到哭了,「講起呢啲真係會好感動,好瘀呀,因為做咗娛樂圈咁耐真係唔容易,好多時候得我自己一個喺香港冇家庭冇親戚,所以有粉絲支持真係好開心,好難得有呢種關係,見到你哋咁細個仲做埋老師,真係好得意,仲見到大家喺到,我又結完婚生埋仔,走咗咁耐5年冇返嚟,照計應該跟咗第二個唔再跟我。」

點擊睇嘉欣講講下忍唔住喊嘅精華圖片!

+13

點擊睇鍾嘉欣更多靚相!

+10
+59

同場加映!

謝嘉怡輕鬆攻陷宅男5大因素 貼地之外素顏反而最得民心?

+14