克服他她它|林作內心孤獨所以常惹戰? 七師傅:網民鬧你係啱嘅

撰文:葉詩
出版:更新:

ViuTV真人秀《克服他她它》由火火聯同MIRROR兩位成員Alton(王智德)及Tiger(邱傲然)擔任主持,並以克服恐懼為節目主旨,周五(12日)播出之最後一集要克服的就是網民惡言,並請來風水師七仙羽(七師傅)及近來風頭正盛的林作互相過招。林作甫登場就語出驚人:「我最鍾意人插!越插越好!」不過七師傅就不甚同意其做法:「我覺得網民鬧你係啱嘅,人應該係要真,我好巴閉唔使自己講。」

點擊圖輯睇七師傅、林作交流的火花:

+23

其後,火火、七師傅、林作開直播直面網民負評,林作又遭網民鬧:「抽死人水嘅保險佬。」七師傅就指:「已經教咗佢唔好借死者新聞宣傳。」林作面對負評完全不為所動,七師傅就似乎看穿他說:「佢嘅內心係孤獨㗎!我好了解林作,如果大家唔了解林作就問我,我比佢更了解佢自己,從佢自細點樣長大、內心經歷我全部都了解。」

最後火火就抵死地以不打不相識作結:「有啲情緣就係咁嚟,我Feel到有個女人可能會離婚同個四眼仔一齊,可能有個譚仔鍾意咗個四眼仔,都可能有個四眼仔會拋棄個有少少日本血統嘅女朋友,同個着粉紅色套裝嘅美人一齊。」二人更擁抱作結,七師傅不忘道出口頭禪:「師傅愛你!」