面對好友吳孟達廖啟智相繼離世 田啟文：外界唔知我內心有幾痛苦
撰文：吳子生
出版：更新：
田啟文（田雞）今晚（29/3）現身將軍澳出席電影首映禮。提到好友智叔（廖啟智）日前不敵胃癌離世，田雞傷感表示：「其實外界係唔知我內心有幾咁痛苦，係因為達哥（吳孟達）同智叔呢兩位好朋友佢哋出事嘅事前，我係知道。因為佢兩位想低調，所以吩咐我唔好同外間透露佢哋嘅病情。咁所以達哥走咗之後，我係好想去珍惜阿智叔，去醫院探佢，我有問過智叔，佢話醫院只准家人探病，所以婉拒咗我，咁所以我只可每日同佢短訊聯絡，而佢每日都有回覆我嘅。直到噚日，佢依然都冇覆到我，到晚上就收到佢嘅死訊，只可以講又緣慳一面。」
對於好友相繼離世，田雞心感哀痛。（梁碧玲攝）