女同事臭狐味超難頂 好友善意提醒竟遭1句反駁:我覺得冇問題喎

撰文:安祖娜
出版:更新:

夏日炎炎,猛烈陽光下單是在街上慢行也會滿身大汗,體味更成為不少人的煩惱。有網民於討論區大呻,指公司1名女同事每逢夏天也會傳出濃烈體味,其他同事走近討論公事時也會感到非常難受。樓主指有與該名女同事交情較好的同事善意提醒,沒料換來對方1句反駁:「我自己覺得冇問題喎!」

有網民大呻有同事體味問題嚴重,即使有人好心提醒對方亦不覺有問題。(《藍色大海的傳說》劇照)

下載「香港01」App,即睇城中熱話

該網民於親子王國討論區以「臭狐同事話自己覺得冇問題」為題發文,指公司1名女同事一向著重外表,「平時返工都會打扮買靚衫」,惟每當到了夏天,對方都會出現嚴重的體味問題。

樓主形容,該名女同事的體臭味道「真係好勁」,不少同事也能在辦公室聞到,「最慘係同佢工作上有接觸嘅同事,要行埋去佢個位傾公事或者佢行去人哋個位傾公事,嗰陣味真係超難頂」。

有好心同事出言提醒,惟女同事即反駁:「我自己覺得冇問題喎,你哋咪唔好聞囉!」(《藍色海洋的傳說》劇照)

樓主近日得知,有與該女同事交情較好的同事好心提醒她注意體味問題,但對方卻即時反駁:「我自己覺得冇問題喎,你哋咪唔好聞囉!」言論令樓主不禁批評,「重點係你影響到別人,唔係人哋想聞你啲臭狐囉」,又認為願意出言提醒的同事只是出於善意,「其實人哋只係出於好意提醒,如果嬲係你自己問題,唔肯去解決同接受唔到現實,忠言逆耳啫」。

帖文引來不少網民討論,有人估計該名女同事或並非不想解決體味問題,「佢有體臭,佢自己都唔想,可能佢自己已知,但用盡好多方法都解決唔到。你哋又咁直接同佢講,嬲都係正常」。不過樓主則認為,對方根本無心解決問題,「如果自己真係唔想,係咪會正視個問題即刻尋求解決辦法而唔係就咁算,有心解決唔會解決唔到㗎。而家資訊發達,一上網已經可以見到好多解決方法」。

同場加映:自己有汗臭未必知?醫生教7招防臭術 搽止汗劑有技巧│BetterU#26

👇👇👇如何知道自己的體味👇👇👇

👇👇👇如何減少汗臭👇👇👇

+4

同場加映:教師呻同事散發惡臭「戴口罩都聞到」 4日洗1次頭:頭皮雪花咁大

【同場加映】教師呻同事散發惡臭「戴口罩都聞到」 4日洗1次頭:頭皮雪花咁大
+4

同場加映:嘔心!機艙衰客脫襪伸臭腳到前座扶手 靚仔一招反擊數百萬人圍觀

靚仔網紅坐飛機時發現後座乘客把光溜溜的腳板伸至其座位扶手上,令他非常不滿。(tiktok「the.walker.twins」影片截圖)

按圖睇網紅點樣反擊後座乘客▼▼▼

+10

同場加映:網民熱議健身室10大惡行 臭汗毛巾到處放 公認最乞人憎係呢樣

+15