東京奧運｜吳諾弘拉傷報平安 紀錄奧運路：呢場比賽意義真係好大
撰文：洪曉璇
出版：更新：
現年21歲的吳諾弘，夥拍出爐金牌得主張家朗、張小倫及蔡俊彥出戰男子花劍團體賽。
今屆東京奧運港隊表現亮眼，當中7歲加入TVB，曾拍攝超過30套劇集，現年21歲的吳諾弘，夥拍出爐金牌得主張家朗、張小倫及蔡俊彥出戰男子花劍團體賽，首登奧運舞台初生之犢場上狂攻，一席間躍升為大眾偶像。相隔一日他在IG寫下長文分享心情：「對於我嚟講，今次呢一場比賽意義真係好大。」
吳諾弘初登奧運舞台的表現贏盡掌聲。（高詩琦攝）
+5
吳諾弘回想自己猶如夢想成真：「我由細細個小學三年班就開始學劍，一直夢想住成為香港代表隊。而努力左咁耐，為嘅就係呢個終極目標——參加奧運，甚至係可以行上頒獎台上面。隨住我成長，我所經歷嘅嘢越嚟越多。而呢一切造成左我今日可以踏足到奧運舞台嘅機會，令我經歷左呢一段難忘嘅旅程。同時再一次提醒咗我自己，我係有幾鐘意劍擊。」對埃及一戰時曾拉傷大腿暫停比賽，他向大家報平安：「已經照左MRI，只係拉傷大髀內側肌肉。而家行路都仲係會痛，但我會好快無事(應該)。大家唔使太擔心。」
吳諾弘向大家報平安。（IG：@lawrenceng_1999）
+6
+20