智能愛人|江欣燕低胸色誘騎背強吻 陸永:所有動作戲入面最激嘅

撰文:林迅景
出版:更新:

無綫劇集《智能愛人》播出數集,觀眾的反應都似乎不錯,不少人大讚劇本特別之餘,也說李佳芯(Ali)飾演「阿寶」夠有驚喜,而首次飾演男主角「古家廉」的陸永也喜感十足,完全是交足功課。

陸永在一集之內盡享「齊人之福」。(《智能愛人》截圖)

今晚(8月6日)一集講到古家廉(陸永飾)為了取得魏少嫻(江欣燕飾)的機械人訂單,而利用阿寶(李佳芯飾)扮大肚婆去欺騙「魏少嫻」。怎料魏少嫻原來是心理變態,還「睇中」了古家廉,打算霸王硬上弓,最後魏少嫻更騙古家廉出海,落藥迷姦他。劇情離奇而又爆笑。

陸永同江欣燕有「床上」戲,好激呀!(《智能愛人》截圖)

陸永接受《香港0》訪問時說:「係同欣欣(江欣燕)做先有呢個效果,因為好得玩,之前主持節目都熟,你話有猜冇尷尬就冇嘅,因為輕喜劇都係點到即止,所謂嘅霸王硬上弓都係冇做啲咩。之前講我同盈盈(馮盈盈)、Ali(李佳芯)有咩激情戲,其實我最大嘅豔福就係同欣欣呢場,仲係所有動作戲入面最激嘅,大家一定要細心睇。」

呢幕真係好正。(《智能愛人》截圖)

陸永由2000年開始於TVB擔任主持以及拍劇,直至今次首次擔任男主角,反應都相當不錯,不過他本人就十分謙虛,說:「一開始拍劇都唔係諗住一定要做男一,攞視帝,我唔係以呢個為目標,其實有角色啱,又好玩,咁我就做,唔會因為做咗個乜嘢崗位就覺得完成咗咩目標。我覺得做一個稱職嘅男配角都好過癮,甚至好過做一個人哋睇完覺得唔好,又唔稱職嘅男主角。係咪男一對我一啲用都冇,至緊要我喺過程覺得做得好,人哋睇完又開心,咁先係吐氣揚眉。」

以AI為題材的劇集《智能愛人》由李佳芯、陸永、馮盈盈主演,Ali挑戰飾演人工智能機械人。

點擊下圖睇精華:

+29