i.SWIM獨家|Edan與吳海昕撐枱腳 Jeffrey嬲到大暴走玩三角戀?

撰文:鄺鈺瑩
出版:更新:

MIRROR成員Edan(呂爵安)今年歌影視三視發展,近日為新劇《i.SWIM》而狂操肌嘅佢,呢晚去到黃埔號進行拍外景,雖然全程便裝上陣無肉睇,但都吸引多名「爵屎」及街坊圍觀。搞到轉景時,連一分鐘不到的路程,都被劇組安排以車代步,免得引起混亂,而Jeffrey (魏浚笙)則與工作人員有講有笑散步前往。

喺黃埔號外,有不少人圍觀。 (梁碧玲攝)

劇中,Edan 與Jeffrey 同是泳隊成員,而吳海昕則是二人班主任,雖然一早預告冇感情戲,但呢晚Jeffrey撞破Edan喺餐廳與吳海昕見面後,憤而衝出餐廳,Edan見狀竟然留下吳海昕一人,尾隨Jeffrey離開,之後兩男在大街上發生爭執⋯⋯到底最後會否發展成狗血三角戀,睇怕真係要劇集播出街時才會知曉。

Edan 與吳海昕在餐廳撐枱腳時玩自拍,然後被Jeffrey見到。(梁碧玲攝)
Jeffrey點解要衝出餐廳?Edan又點解要追?好亂啊⋯⋯ (梁碧玲攝)
+9

Edan 呢期為新劇而嚴重唔夠瞓,不過呢晚拍攝時,見佢一有空檔就即時拎起劇本研究,又不時與Jeffrey對戲,而唔係玩電話或爭取時間補眠,絕對專業又認真。其實Edan自《戰膠》起已經與Jeffrey合作,今次在劇中又是泳隊隊友,默契更佳。之前二人齊齊出席品牌活動時,已大玩CP,而呢晚拍攝時,每當有空檔時兩男都伴隨左右,就連往商場去洗手間,亦要結伴同行,而唯一女主角吳海昕,好明顯埋唔到堆。

佢兩個真係好FD。 (梁碧玲攝)
+2
反而吳海昕有啲孤獨。(梁碧玲攝)