姜濤再闖我最喜愛男歌手五強 唔會投票畀自己:交畀聽眾決定

撰文:劉傳謙
出版:更新:

MIRROR其中6位成員姜濤、Jer(柳應廷)、AK(江𤒹生)、Lokman(楊樂文)、Tiger(邱傲然)和Frankie(陳瑞輝)今午(27/11)現身荃灣,出席《新城勁爆頒獎禮2021》記招。會上隊長Lokman以新人姿態登場,被問到對贏得新人獎是否有信心,他坦言信心全部來自隊友,此時Jer即說自己是「盲粉」,AK直言:「盲撐!文哥世一!」姜濤也說:「隊長萬歲!」Lokman也透露MIRROR將在12月送聖誕禮物給歌迷,希望可以藉此拉票。

Lokman獲在場隊友支持爭新人獎,不過自己缺乏信心。(葉志明攝)

在昨日公布的「叱咤樂壇我最喜愛的男歌手」最後五強中,姜濤順利晉級,不過AK和Jer則出局,AK坦言最初以十強為目標,沒有感到失望:「我覺得要一步一步慢慢來,好戥其他四位兄弟同軒仔(張敬軒)開心。呢次嘅競爭真係激烈,都係交返畀評審,辛苦佢哋。」Jer也指獎項只是其次,最重要的是能透過歌曲中令聽眾接受不同信息。對於外界形容這次戰況是姜濤、Ian(陳卓賢)、Anson Lo(盧瀚霆)和Edan(呂爵安)夾擊軒仔,AK即說不認同:「我哋MIRROR四子未夠皇上打就真!皇上喺行內,不論係歌曲數量或者其他經驗,都係多我哋好多,所以真係前輩,冇得打。」

AK和Jer對賽果感到滿意。(葉志明攝)

至於上年贏得這個獎項的姜濤,則直言自己從未想過能夠蟬聯:「其實上年攞到呢個獎嘅時候,我已經覺得好驚喜,希望所有嘢都係順其自然。(睇好邊位?)都係嗰句,我最睇好MIRROR。(有冇投畀自己?)我自己都冇去投票嘅,希望交畀聽眾決定。(Edan新人直入五強,會投畀佢?)我對Edan好有信心。」

姜濤冇諗過冧莊贏我最喜愛男歌手。(葉志明攝)

點擊圖輯,睇睇今日新城記招盛況:

+32