張敬軒獲媽媽炮製「石屎」早餐　親爆神奇秘方：老竇嗰碗係紫啡色

張敬軒近年除了音樂作品外，每日早餐也成為歌迷非常關心的焦點。今日（27/11）軒仔上載一份媽媽早餐，卻說「一遮還有一遮高」，原來除了雞蛋外，還有一碗灰泥色的糊仔。對著媽媽精心炮製的早餐，軒仔在Instagram上無奈地說：「查實我條命係咪五行缺飯，同老母年幾冇見，諗住佢老人家嚟咗，我應該可以有新嘅開始...... 話說佢係我早餐關注組召集人，成日都問我早餐食乜。到埗第一日，更揚言要我過番啲正常生活...... 我冇異議，呢一切其實都係我日常嘅正常。正所謂天有不測風雲，我冇諗過一嚿風雲過後，原來仲有另外一嚿。」

點擊下圖觀看「石屎」早餐：

軒仔今日現身荃灣出席新城頒獎禮記招，在接受傳媒訪問時也談起今日的早餐。原來這碗糊狀早餐由黑豆、黑芝麻、亞麻籽和合桃打成。他承認看到今天早餐後曾向媽媽抱怨：「我都同佢有少少投訴，話我其實都有牙，可以食啲固體食物。但係我見到老竇嗰碗之後就冇再出聲，因為佢嗰兜係紫啡色。原來係加咗紅菜頭，話可以抗癌，真係大吉利是。」