家族榮耀 | 73歲于洋戲外幸福老人 退休後弄孫為樂:而家好安樂

撰文:邱愛霖
出版:更新:

73歲老戲骨于洋在劇集《家族榮耀》中飾演馬家一家之主馬世宏,仔女新抱明爭暗鬥,連退休都不安樂。而次子黃浩然(飾演馬耀祖)在劇集中段不慎出車禍身亡,白頭人送黑頭人,十分淒涼。

于洋在《家族榮耀》飾演一家之主馬世宏,仔女新抱明爭暗鬥,更要白頭人送黑頭人,激心又淒涼。(《家族榮耀》劇集截圖)

雖則于洋在戲中仔女不孝,實在激心,但戲外于洋卻是幸福老人。于洋在70年代已偕一家大小移民定居加拿大多倫多,因始終懷有戲癮,便再度回流香港拍戲,多年來加拿大香港兩邊走。曾三度離開無綫(TVB)的他前年9月正式約滿TVB,最後一套拍攝的TVB電視劇是去年播出的《異搜店》。當時他接受《香港01》訪問時表示,拍劇志在過日辰,不打算爭名逐利,既已屆退休之年,不如安心舒適過半退休生活。

于洋為拍戲,特地從加拿大回港,現與老友同住,預計5月初回加國。

于洋今再接受《香港01》訪問。他透露今次為拍戲,專程從加拿大回港。于洋育有兩子,大仔從事凍肉批發行業,已成家立室,新抱是愛爾蘭人,並誕下一子一女;幼子則任職經濟分析師,準備結婚。至於父親亦隨行移居到加國,現是96歲高齡,仍然精神健康。

于洋在加拿大閑時含飴弄孫,當提起兩個孫兒時,在電話的另一方都可感受到他的幸福,他笑言:「而家好安樂,平時對住啲孫最過癮。兩個都係鬼仔鬼妹嚟,兩個都係混血。一個10歲,一個7歲。我返去就見到佢哋,兩個都係講英文嘅。佢哋唔同我一齊住,不過行落去大仔嗰度都係十分鐘,好近。」

于洋和孫仔合照,十分溫馨幸福!

于洋拍劇期間,每個禮拜都打越洋電話與家人聯絡。現時于洋在港與老友同住,彼此有個照應,並預計5月初完成所有工作便會回加拿大。他認為加拿大比較適合退休生活,但香港就勝在多老友和美食,他說:「太靜唔掂,我鍾意多朋友,冇朋友唔得,但冇嘢做咪喺嗰邊。加拿大屋企有暖氣,出面幾凍都好,屋企都係22度。住就一定加拿大好,食就呢邊好。而家一個人喺香港,同老友有個照應,不過一唔拍嘢就返去㗎啦!」

于洋透露爸爸已經96歲,依然健康精神。左一男子則是于洋大仔。

于洋的退休消遣不外乎與好友打牌、行山、釣魚。他認為退休生活便是要不緩不急,享受人生,又認為仔大仔世界,兒孫自有兒孫福,不必過於操心,他說道:「我而家呢個年紀算係好好。平日行開山,就係喺京士柏行山,郁動吓身體,呢排疫情少做好多。平時都係百無聊賴,打牌、行山,平時就釣吓魚,人生就好佗佻。我成日話朋友,咁辛苦做咩呀!賺咁多都唔係益自己,都係益細路。醒嘅都唔使你留畀佢,唔醒嘅,你留畀佢都畀人呃埋。」

于洋在港消遣是同老友打牌、行山、釣魚,更認為兒孫自有兒孫福,不必過於操心。

點擊睇于洋更多溫馨家庭照:

+2

即睇楊茜堯產後Fit爆身材同李彩華小背心:

+7

40歲陳茵媺新照不似三子之母 洋溢知性美似足女大學生網友勁讚

+25