租客放無薪假兼要錢周轉 好業主容許分期交租仲咁做 網民讚難得

撰文:安祖娜
出版:更新:

第五波新冠肺炎疫情重創各行各業,部份打工仔更面對手停口停的困難。有港女近日發文,指丈夫因疫情關係被迫放一段時間無薪假,而父母亦需要錢周轉,經濟遇上壓力,只好硬着頭皮向業主提出分兩期交租。沒想到業主竟爽快答應,更稱明白現時經濟環境差,主動減租1000元,同時送上快速測試套裝給她,令她大為感動,直呼「好意外好感恩」。

有人妻近日發文,指與丈夫因疫情關係經濟遇上壓力,只好硬着頭皮向業主提出分兩期交租,沒想到業主竟爽快答應,更主動減租1000元。(《大叔的愛》劇照)

「我真係覺得好業主難求。」該名人妻早前於香港討論區發文,指與丈夫租住目前單位已有一段時間,近日受疫情影響,丈夫須放一段時間無薪假,經濟上已遇到壓力。不幸的是,她指父母同時需要金錢周轉,令夫婦「一時之間開支大咗好多」。

為了應付生活,即使難以開口,她亦只好硬着頭皮向業主提出分兩期交租,「其實開到聲咁講真係好尷尬」。沒想到業主非常明事理,「業主好好人,聽完之後好爽快答應咗,佢仲話明白呢段時間大家都好難過,仲減咗我哋1千蚊租」。

人妻對業主主動減租感到驚喜,直呼:「今次減租真係冇諗過,我哋都冇要求過,真係好意外好感恩!」她續指,業主之後更送上快速測試套裝給她,「話佢屋企好多」,令她深深體會「好業主難求」的意思。

人妻對業主主動減租感到驚喜,又指業主之後更送上快速測試套裝給她,令她深深體會「好業主難求」的意思。(《大叔的愛》劇照)

不少網民看過樓主經歷也為她感安慰,並大讚業主主動減租又關心租客實屬難得,「其實係好業主又加上你係好租客,一千蚊換個好租客真係值得,係人都會有困難嘅時候」、「你個業主真係有良心」、「疫情之下個個都好困難,佢都明嘅」、「你好我好,相信你係好租客業主先同你有偈傾」。

不過也有網民認為,疫情下難以找到租客,因此一般業主為了保持租約,都不介意暫時減租,「間房吉咗就無租收仲要交管理費等,所以無業主想租客死,而且好嘅租客唔容易搵」、「佢都怕你唔租,之後無人租」。

同場加映:良心業主疫境下主動減租三成 一句話令創業租客感動:她給我希望