袁嘉敏爆女星同鍾培生過往甚密 葉蒨文澄清：被拉下水實屬無辜
撰文：林迅景
出版：更新：
袁嘉敏與鍾培生的瓜葛愈鬧愈大，《愛回家之開心速遞》中飾演「Candy」的葉蒨文（Sophie）與鍾培生亦被人爆料指過往甚密，疑似暗指她與鍾培生有關係。後來袁嘉敏亦表示，與鍾培生交惡並非因為其他女性。
《愛回家之開心速遞》Candy葉蒨文。（IG@sophieysm）
葉蒨文今日（04/4）接受《香港01》訪問時，表示認識鍾培生不過就不熟悉，更不認識袁嘉敏，她說：「認識鍾培生呢個人 但係唔係好熟亦都冇交往好密，因為一大班人出席一個慈善活動，而被拉下水實屬無辜。我完全唔識袁小姐。」
袁嘉敏稱鍾培生父子很可怕！（IG/@candy_kamanyuen）
她亦表示自己不介意這些花生新聞，但就因為當日與男朋友慶祝四周年但被記者騷擾而感到不開心。她說：「其實我唔介意呢啲花生新聞，做呢行預咗。我唔開心嘅係咁啱我琴日同男朋友慶祝緊四周年，有記者一路打電話，發訊息騷擾我。我成餐飯食得好唔安樂，我話：『唔好意思破壞晒個氣氛。』我男朋友仲係咁安慰我，教我用第二個角度諗。」
葉蒨文同男朋友拍拖4年，感情好穩定又sweet。（IG@sophieysm）
雖然她沒有公開，但其實她有男朋友一事已是人所共知的事，而且感情一向相當穩定。她向《香港01》記者透露男朋友身份，說：「其實男朋友『啤梨仔』係一個好普通嘅圈外人， 我哋兩個都係讀設計㗎所以好投契。」