一家4口月入4萬 老公想移民但英文差 港媽憂搵唔到食反對陷冷戰

撰文:卡洛兒
出版:更新:

移民不移民有很多考慮,最重要是跟家人達成共識,不過有港媽發文指,丈夫近日正計劃移民,希望讓2名子女有更好教育,惟兩夫婦英文水平一般,家庭月入4萬元,全家只有一層細價樓沒有積蓄,擔心在外地無法維持生計,加上不捨得年老的家人,2人因此爭論不休,甚至多次陷入冷戰。

有港媽發文指,丈夫近日正計劃移民,希望讓2名子女有更好教育,惟兩夫婦英文水平一般,家庭月入4萬元,全家只有一層細價樓沒有積蓄,擔心在外地無法維持生計。(示意圖/資料圖片)

該港媽以「移民?」為題在親子王國討論區發文,表示與丈夫都是40多歲,英文水平「認真麻麻」,育有2名分別5歲及1歲的孩子,現為雙職家庭月入只有4萬元,沒有積蓄,只有1輛平價車及細價樓,「我哋唔貪心亦無咩上進心,自覺生活算係安穩」。

惟丈夫最近有移民打算,希望2名小朋友可以接受更好教育,她亦認同,「我哋自問無能力,等佢哋大過再送佢哋出去外國讀書」。不過港媽不捨得留港的家人,特別是家中有70多歲長者身體轉差,「佢哋已經講明唔會離開香港」,加上考慮到生計問題,「擔心去到(外國)搵唔到食」,又指2位小朋友需要人照顧,雖然丈夫「拍晒心口」由他打工擔起家庭經濟,「但我好肯定佢係得個講字,佢係咩人我好清楚,絕對唔會積極搵工」,即使幸運地找到工作,亦會有「十萬個理由」嫌辛苦辭工再找。

有港媽發文指,丈夫近日正計劃移民,希望讓2名子女有更好教育,惟兩夫婦英文水平一般,家庭月入4萬元,全家只有一層細價樓沒有積蓄,擔心在外地無法維持生計。(示意圖,資料圖片)

她批評丈夫育兒無方,「湊仔方式係電話、電視同遊戲機放題」,要求對方做家務,亦只會得到回覆「陣間先、下次先、再遲啲先」,不斷拖延。夫婦2人已為移民話題爭拗多次至冷戰,故希望聽取其他網民意見。

很多網民都傾向反對樓主一家移民,不但沒有足夠資金及特別技能,英文水平差就更難生存,「4萬收入,仲有2個咁細小朋友,你哋年紀又唔細,喺香港都窄窄哋」、「兩公婆本身無乜技能,同人溝通都唔係好得,剩呢兩樣我都唔會去移民。加上父母無人理,比我更加唔會去」、「你哋唔識英文打算踎唐人街?我遇過唔識當地語言嘅人,係一世踎唐人街」,直言兩夫婦多爭拗去到外國更易家變,「無錢已經壓力大,但係爸爸係咁嘅樣,呢個包袱更加大」。

不過有網民就認為如果家庭收入不高反而值得一博,「nothing to lose(沒有東西會輸掉)的感覺」,只要願意體力勞動,相信不難找到工作,「冇乜特別多嘅資產,我會去博一舖,有乜事咪從頭嚟過」。