DAISO區區插旗 新界再開新分店 網民感動留言:終於唔使入到山旮旯
撰文：陳俊堯
出版：更新：
【DIASO石籬分店】DAISO登陸香港之後區區插旗，最近在社交媒體公開一張打格相片，讓網民猜猜新店位置。眼利網民即刻一眼看出地址，大讚DAISO終於落戶石籬，即刻感動留言話終於唔使入到山旮旯！
香港DAISO石籬分店開幕！網民感動留言：終於唔洗入到山旮旯
DAISO過往一年頻頻開新店，網民甚至笑言「區區插旗，總有一間係左近」，最近在社交媒體上更公開一張打格相片，歡迎大家猜測新店位置。
（圖片來源：DAISO）
眼利網民一眼洞悉，留言指DAISO終於落戶石籬，留言估計DAISO新分店位於石籬邨二期石籬商場內，消息一出，網民即刻蜂擁而至留言祝賀，留言如「嘩嘩嘩」、「正啦喂，唔駛行到石蔭商場」、「石離商場終於有了」等，將興奮心情表露無遺！
（圖片來源：DAISO）
其實DAISO於同區石蔭邨內都有一間分店，不過該區地勢陡峭，雖然講是四通八達，不過要「石籬友」專程走過去石蔭邨，都難以稱得上方便。今次DAISO提前透露即將登陸石籬邨，難怪一班「石籬友」話「唔使入到山旮旯」！
（示意圖）（圖片來源：DAISO）
雖然DAISO官方貼文相當明顯，但卻暫時未出面回應一眾網民猜測，官方網站亦暫未更新，實際地址及營業時間仍然有待公布，「石籬友」們似乎要再期待多一陣喇！
Daiso Japan 石籬店
分店地址：待定
營業時間：待定