好人好事!港女游水跌假牙尷尬求助 康文署救生員潛水徒手尋回

撰文:安祖娜
出版:更新:

每個人總有必定要隨身攜帶的物品,一旦遺失除了引起麻煩,也會失去安全感。有港女日前發文分享另類好人好事經歷,指在康文署轄下泳池游泳時不慎跌出戴了十多年的假牙,只好硬着頭皮向救生員求助。她形容對方得知事件也不禁發笑,但仍好心協助,與同事了解後便安排其中1名救生員潛進池中代為尋找,更極速為她徒手撈回假牙。港女坦言事發時太尷尬,未能好好向救生員們道謝,只能於事後發文講述事件分享正能量。

有港女早前在康文署轄下泳池游泳時不慎跌出戴了十多年的假牙,幸獲救生員協助,潛進池中代為尋找,更極速為她徒手撈回假牙。(fb「公務員secrets」圖片)

「今日呢個分享,的確係我真人真事,都唔係賣咩假牙廣告。」該名港女日前投稿至facebook專頁「公務員secrets」,指每日早上也會到康文署轄下泳池游泳才上班。早前她如常游泳,過程中卻感覺到「跌咗樣嘢」,原來她不慎跌出「由十幾歲、黐咗十幾年嘅假牙」,頓時感到非常徬徨,「個心即刻慌咗」,只好記下位置,即時向池邊當值的救生員求助。

港女指,自覺游水甩出假牙一事非常尷尬,但因假牙實在太重要,只好硬着頭皮向救生員講述事件,「當我講完,我feel到佢想笑,畀我返工遇到要幫人執假牙,我都一定會笑,所以我ok」。救生員得知情況,便與她到池邊了解,起初對方也問她能否自行潛到池底取回,惟話還未說完她便坦白難處,「佢未講完我已經打斷咗,因為我一直游水,都只係喺面游,我唔識潛水,我跌咗嘅時候,有試過想自己執返,但當然失敗,如果唔係都唔會要搵人幫」。

這時一名於看台當值的救生員留意到情況便走近了解,「位救生員好好人,話會幫我去搵,但因為佢當值緊,要安排人手先得」。後來眾人再找來另一名救生員,對方了解位置後便跳進水中代她尋找,「佢前後都無3分鐘就上返嚟」,更徒手拿着假牙問她「係咪呢隻?」。

港女坦言事發時太尷尬,未能好好向救生員們道謝,故特意發文表揚,並希望為網民帶來正能量。(資料圖片)

樓主形容,當時感到非常尷尬,未待對方上水便急急拿着假牙跑回更衣室,「事發前後我講咗好多句:『唔好意思!麻煩晒你哋!』」,結束尷尬的場面。她事後直言,過往也與不少人一樣,「覺得康文署職員都係返工hea嘅公務員,救生員都係喺看台上面坐」,然而這次經歷卻令她改觀,「我相信每一個工種都一樣有呢啲問題,自己返工都未必係100%投入,無論如何,佢哋係咪職責所在都好,好衷心多謝幫過我嘅職員們」。

她又指,事發時過於尷尬,未能好好向救生員道謝,故特意發文表揚,並希望為網民帶來正能量,「全靠佢哋嘅幫忙,我先可以執得返呢隻由十幾歲、黐咗十幾年嘅假牙,如果執唔返我都唔知點算」。

帖文引來網民讚好,不少人大讚救生員表現專業,「咁大個泳池,唔使3分鐘就知道邊個水底位,搵到隻牙,好強喎」、「即刻落水搵,已經冇嘢好講,有效率」、「仲以為成排假牙,咁細粒都搵到,救生員好勁」。亦有人建議樓主可向康文署表揚相關救生員,「建議1823讚揚職員,即刻落水搵真係好有心」、「雖然樓主嘅事有啲好笑,但救生員真係好好人值得嘉許」。