港女搭的士話行大欖轉頭反口投訴兜路 司機公開車cam錄音證清白

撰文:布萊恩
出版:更新:

【的士/大欖隧道/屯門公路】各行各業都最怕遇到「西客(麻煩客人)」!網絡瘋傳一段行車記錄器(車CAM)影片,可見有的士司機與前往元朗的港女乘客正因選道「大欖隧道」而爭執,其間港女乘客粗口橫飛投訴司機兜路,司機則強調自己開車前已詢問,事後更公開「車cam」錄音證明自己清白。
港女乘客知悉自己確有說過行「大欖隧道」後,未有認錯,反批評司機「你點會咁x樣問㗎?」,並說:「就係你(司機)嘅問題啦,總之!」影片引來網民熱議,一面倒指摘港女乘客,「自己錯先咁x惡」、「不知所謂的女人」、「無恥先最恐怖」。也有網民讚司機回答有禮,「呢件事的士司機無錯」、「司機幾好禮貌」。

網絡瘋傳一段行車記錄器(車CAM)影片,見到有的士司機與返元朗的港女乘客正因選道「大欖隧道」而爭執。(影片截圖)

YouTube頻道「香港新聞突發時事合集」今日(12月4日)上載該段3分52秒影片,題為「【西客之道】港女乘客投訴的士司機走大欖隧道,司機稱已詢問,並公開車cam錄音證清白」。

影片可見,「車cam」顯示事發時間為昨日(12月3日)晚上7時許,港女乘客上車後,司機便問她選行大欖隧道還是屯門公路,見女乘客未有回應,司機於是再問一次「大欖定屯門公路?」,這時港女乘客回應「大欖啊」,司機隨即開車。

畫面一轉,的士已走在高速公路上,港女乘客不滿地「爆粗」投訴,「咁我咪貴咗好X多,你咁樣兜」。司機回應「我頭先真係問咗妳㗎喎」,港女乘客反駁,「咪行屯門囉,我講咗。我點會咁X ON X,X你老X,我返天水圍,行元朗畀個大欖,之後再兜返落天水圍啊?」。司機聽到發笑,港女乘客繼續責罵「你仲要屈返我轉頭囉!我真係好X着(憤怒)囉!」

司機隨後向港女乘客指出,「妳如果覺得我係屈妳呢,我轉頭返去WhatsApp send返條片(行車記錄器片段)畀妳好唔好?」,港女乘客則重複「我會唔會咁x on x,我x你老x,我鍾意,我錢多啊?我鍾意行隧道元朗兜返去天水圍啊?咁好x明顯係屯門啦」。司機表示「有咩明唔明顯啫,我問妳,妳咪搭屯門咪得囉,如果妳係屯門」,港女乘客反問「咁係邊個聽到我(話)行大欖先?邊個聽到先?」,司機則回應「左耳聽到,右耳聽到,個cam都聽到,ok?」。

聽到這裏,港女乘客指「得啦得啦得啦……得得得得得!x你老xx,愈諗愈x嬲啊嘛,你諗住當我傻㗎?」、「得喇,唔好x再吠」。隨後車廂回復平靜,詎料不一會又再罵聲四起,「有錄音?x你老x,你搵x返啊,x你老x,我傻㗎?咁如果唔係呢?」,司機聞言堅定回覆「無如果唔係,因為妳絕對係啊,無呢個如果」,港女乘客於是「禍及家人」責罵,「x你老xx,你好似好等錢使喎,你屋企人係咪有事啊?係咪生cancer啊?」

影片最後流出了相信是司機向女乘客傳送「車cam」片段的WhatsApp截圖,而港女乘客知悉自己真的有說過行「大欖隧道」後,未有認錯,反批評司機「x你老x,你正常司機好x明顯係唔應該行大欖啦,你點會咁x樣問架,x街,你好x窮啊?x你老x臭x」,並強調「就係你嘅問題啦,總之」。

影片最後流出了相信是司機向女乘客傳送「車cam」片段的WhatsApp截圖。(影片截圖)

網民看過影片後都一面倒批評港女乘客是「西客」,「呢啲咁嘅人就算即場播返cam畀妳睇咪又係唔會認錯。無知唔可怕,無恥先最恐怖」、「行大欖,快但係收隧道錢,行屯公,耐少少但係公路,正常人都問啦」、「最短路線咪就係行大欖囉」、「不知所謂的女」、「窮就唔好搭的士,唔識就問有乜分別」、「自己錯先咁x惡」。

也有不少網民大讚司機有禮貌,「呢件事的士司機無錯」、「司機幾好禮貌」。