與吳偉豪相差16歲演母子 李佳芯唔介意挑戰姊弟戀:好驚老過佢

撰文:趙允琳
出版:更新:

李佳芯(Ali)、吳偉豪(Ricco)、陳自瑤及黎學勤等一眾演員今日(15日)出席TVB劇集《有種好男人》宣傳活動,在劇中飾演母子的Ali和Ricco現實中雖然相差16歲,但外型卻絲毫看不出年齡差,更獲網民大讚兩人望落更似情侶,希望兩人可以有機會拍愛情戲。

兩人在劇中飾演母子,但現實中其實外型相襯。(陳順禎 攝)

Ali以往在不少劇集入面,大多數的男拍檔都是比她年長,甚少有機會接觸到姊弟戀題材的劇集,她坦言如果對象是24歲的Ricco的話,單單是想像一下都會好大壓力:「其實係有壓力嘅,男同女嘅壓力唔同啦,女仔會好驚自己望落去個樣老過佢,或者打扮上會唔會好老,因為女仔會好介意呢啲,好容易成熟過男仔,如果(對方)係廿幾歲真係會好大壓力!」Ricco笑言:「如果係我對住你都有壓力㗎,因為我驚襯你唔起吖嘛!不過都要睇下公司點睇,等公司安排!」

Ali在劇中與馬德鐘才是一對。(TVB)
李佳芯今日出席TVB劇集《有種好男人》宣傳活動。(陳順禎 攝)

Ricco上星期在《萬千星輝頒奬典禮》上奪得「飛躍進步男藝人」的殊榮,「媽媽」Ali都表示感到相當安慰:「我真係喺心入面一早已經覺得佢遲早會攞(獎),當然今年合作完就見到佢攞獎真係好戥佢開心!」Ali又表示,雖然兩人在今部劇只是第一次合作,但已經一早看好對方會成功:「其實我認識佢都係《愛回家》嘅「朱凌凌」,我知道佢要做我17歲嘅仔,初初見面傾偈嘅時候都已經覺得佢好穩重,覺得佢唔似17歲,似返佢嘅真實年齡,因為性格比較內向、諗好多嘢,但一開始拍就已經拋開咗自己,呢個對於演員嚟講好緊要,首先要放低一啲自己嘅習性、同一啲唔應該出現係角色嘅嘢,我覺得佢呢方面做得好好。」

吳偉豪表示好感謝Ali的包容。(陳順禎 攝)

Ricco亦表示非常感謝Ali的包容,又憶述當時兩人拍第一場戲的時候,自己因為緊張不斷NG,但Ali都交足戲不斷喊:「我真係好唔好意思,好多謝你咁包容我真係,thank you!」

兩人表示平時相處就像朋友般舒服。(陳順禎 攝)
之後會否有機會見到兩人再合作呢?(陳順禎 攝)

新年將至,對於2023年的展望,Ali表示健康最重要,工作上亦可以愈來愈好,Ricco則表示:「希望新一年又攞獎啦!同埋每次參演嘅劇都可以有突破,畀啲唔同嘅嘢大家睇!」

一眾演員今日(15日)出席TVB劇集《有種好男人》宣傳活動。(陳順禎 攝)
+20