公屋智慧|港女見住戶鐵閘掛布不解求問 網民拆解真相原來超有用

撰文:謝茜嘉
出版:更新:

不少公屋住戶都習慣在鐵閘上掛一塊布,有港女近日於網上發問,表示不解住戶此做法,帖文隨即引來網民紛紛解答,「舊時嘅人要開門通風,又唔想俾路人睇到,所以加布,而家就唔使,因為家家都唔會開門」;甚至有網民指出與風水有關,「中國人風水學其中一個說法,門開了之後最好不要立即見廳,很多私人樓的入門有個玄關就是這個意思啦」。

不少公屋住戶都習慣在鐵閘上掛一塊布,有港女近日於網上發問,表示不解住戶此做法。(facebook群組「老餅話當年」圖片)

該港女於facebook群組「老餅話當年」發文貼出照片,問道「以前啲鐵閘點解擺一塊布呢?」,照片可見一道鐵閘中間位置被掛上一塊布遮擋,只餘上下空隙可從內或外窺探。

有網民「啜核」笑言,「對雙腳有自信,對上身身材缺乏信心」、「擋煞」、「白布表示投降」、「好似典當舖遮羞板咁」。

有網民認真解答指,住戶打開木門是想通風,同時又想保留私隱,故掛上一塊布,「半遮掩,可以同隔籬鄰舍打下招呼之餘,又唔怕你眼望我眼,通風之餘,又可以輕輕防下塵」、「因為出面行過啲八公、八婆,好鍾意望入嚟」、「雖然改咗不銹鋼閘我都係用緊,唔想俾路過的人一眼望入嚟」。甚至有網民分享「進階版」遮擋法,「底下加木板防公地洗地水入屋」。