【出招啦】公司諸事不順眼火爆 授你爆笑寸人絕招 避免正面交鋒

撰文:陳彥婷
出版:更新:

工作諸事不順,但聽得多職場老薑的寶典亦知道「開口你便輸了」。但不能拿着AK47向人掃射,難道就要啞忍?那不如嘗試採取「passive aggressive」的策略:留下紙條笑着攻擊對方,高招之餘自己可減少長出皺紋,而且又能跟其他同事歡樂一下。

處境:當另一部門的同事隔了一整天都沒有回覆……

吓?貼係你枱頭的memo、send去你電話嘅Whatsapp同埋頭tag加咗【urgent】嘅email你都無收過咁驚?咁死火啦,我哩幾個message send咗去畀邊個呢?

處境:當每次上洗手間都看到一幅幅「藝術作品」……

(imgur)
肯定閣下係如廁時即席揮毫嘅大作係咁樣畫出嚟㗎嘞!成個廁所即刻artistic哂!

【戀上打風.街訪】打工仔愛「風假」 收到老闆訊息會點覆?
(按此進入)

處境:當pantry廚盆比廁所還恐怖時……

公司請唔起你成家返嚟做嘢嘛,大家都知你已經夠大個仔,咪幫吓手洗完碗再清理埋個廚盆囉,乖!

處境:當公司的食物不翼而飛……

屋企教落,唔係自己嘅嘢唔好拎,你睇,我就做得到!

處境:當同事常在你不為意時拉走你椅子……

你想藉住拉走我張櫈嚟擦存在感?唔好咁低手啦,試吓另一招好唔好?

Passive aggressive,以退為進地放箭,是為職場厚黑學的一式高招。使用此招者,會令與自己同一陣線的同伴士氣大增,對建立團隊精神極有幫助;但此招亦為一把雙面刃,很大機會會令對家血脈沸騰卻苦無還擊之力,如對方無法化解,絕對會以樹敵收場。以上幾個例子純屬參考,建議職場經驗稍遜者慎用,不過如果有好套路想分享,就記得要留言公諸同好喇!