陳嘉倩話唔知做咗第三者 正印朱婉禎直斥佢係大話精！
撰文：張嘉敏
出版：更新：
嘉倩BB近期是非不斷。
前無綫新聞小花陳嘉倩早前因為與陳志遠拍拖，而被指做第三者搶人男友，昨日她在Facebook以千字文大控訴，表示有關報道出街後已跟男方分手，自己亦不知道對方原來已有一位拍拖3年的女友朱婉禎。嘉倩BB講到自己都是受害者完全對男方有女友一事毫不知情，亦不認識這位所謂的「女友」。不過今日就有報道話朱婉禎直指嘉倩BB係大話精！
朱婉祺對於陳嘉倩所講嘅大話覺得好好笑。
朱婉禎表示嘉倩BB有在社交網上inbox過她，如果跟她不認識又怎會找她，仲笑言嘉倩BB是否當人傻的，講大話都要有個譜，相信對方做過甚麼自己心裏有數，天知地知，若要人不知，除非己莫為，人在做天在看，更指對方在這件事上的確是大話精。她回覆香港01記者時再強調自己想唔通一個問題：「當一個人唔知另一個人存在，又何來會知嗰個人係邊個，何來可以inbox佢？」今次真係羅生門喇。而朱婉禎的一位好閨蜜就於她的facebook留言表示：「雖然發生咗咁嘅事,但大家都知你係受害人, 唔好太傷心,我地知你無做錯,絕對支持你」，亦有不少網民留言支持她這位正印。不過當然嘉倩BB的facebook一樣有大批網民留言支持嘉倩BB啦，仲叫她要學識保護自己添呀。
嘉倩BB話自己對於陳志遠一腳踏兩船毫不知情。
祝嘉倩BB快啲遠離是非啦。