【英國文化.來稿】出嚟做嘢係咁㗎?我在倫敦看到真正的工作態度

撰文:檸檬樹
出版:更新:

文:檸檬樹

畢業後在香港一間外資公司做了好幾年,工時長,人工算是過得去。有一日我的老闆說倫敦有一個職位,問我要不要試試。

他是美國人,在倫敦跟拍拖多年的女朋友分手後,就來到香港工作,也順便散心。他為人友善,常常跟我說一定要到倫敦看看。我就是一個簡單的local,也沒奢想過要去其他地方工作,說想也不是沒想過,但覺得自己也不是特別比人叻,英文又不算好,覺得自己沒有能力。但是我的老闆覺得我很勤力 ,說我一定可以做到,常常鼓勵我一定要嘗試到其他地方工作體驗生活,life is not about work only。他見我把大部分時間都放在工作上,又沒什麼個人興趣,覺得我好有問題。我一直都覺得沒有問題,很多朋友也跟我一樣,時間都放在工作上,work is life是常識吧。

老闆常常鼓勵我一定要嘗試到其他地方工作體驗生活,life is not about work only。 (作者提供圖片)

我工作的團隊裡就只有他和我在香港做亞洲的市場,有10個人在倫敦做歐洲市場的工作,有6個人在纽約做美國市場的工作。各市場資源上明顯的不平衡,我一直都以為是因為歐洲的市場比較多工作,所以沒有過問。

來到倫敦,我繼續以香港人的態度工作,做到無停手。我要做的報告除了是轉做歐洲市場外,模式其實跟我原本在香港的工作差不多,所以我很快就上手了。我的同事來自不同的地方,有保加利亞人、匈牙利人、印度人、肯雅人、加拿大人、巴基斯坦人、本土英國人,真係乜人都有。

我在英國的老闆比較bossy,係香港都見唔少,所以對佢無乜感覺。有一日有比較多工作做,我老闆就同所有同事講每個人要多做5份報告,我覺得都合理,以前係香港20份報告要做,一條友都係咁頂硬上。而家都無20份要我做,應該7點前可以做完。我完全無意見,就繼續低頭工作,淨係想拿拿聲做完收工。坐我隔離既同事就突然企係身理直氣壯同老闆講:

I think the work allocation is not realistic, I wouldn't be able to finish these reports today. If the reports are that urgent, you should have told us earlier. I got plans after work today and will not stay late for this.

正在飲水既我差點嗆到。之後有另外一個同事都插嘴:

Can you explain to us why these reports need to be done by today?

嘈左一陣,我老闆就改左每人淨係要做多2份報告。同事就如常大約5時多下班。

有一日有比較多工作做,我老闆就同所有同事講每個人要多做5份報告,我覺得都合理,以前係香港20份報告要做,一條友都係咁頂硬上。(視覺中國)

工作要求唔合理就預左,無諗過原來可以咁樣反映。放工有plans原來都可以直接講,而且說得臉不紅耳不赤。老闆last minute畀嘢下屬做係需要解釋的。我開始尊敬我的同事,同時也覺得自己很懦弱。以前在香港工作試過有更加不合理要求,但就無試過咁同老闆講嘢。除非想博炒!以前都有掙扎過要唔要同老闆理論,朋友就會好言相勸:「算啦!你想無得撈呀?出黎做嘢係咁架啦。」

有時係度諗,見識過咁既工作態度後,如果有一日返香港工作,遇到唔合理既要求,我仲可以好似以前咁忍氣吞聲嗎?放工有plans可以直接講嗎?如果係香港我同老闆講:「我今晚有plans,無可能做到呢份報告!」我已經可以想像到我會聽到的回覆:「你唔想做呢份工,出邊大把人爭住做呀!」又或者係「我唔理你有乜plans,今晚同我搞掂佢。Get  Out!」

英國有強大的工會保障員工,同事唔需要為左保住份工而強迫自己接受唔合理的工作安排。咁唔通香港人就要接受嗎?我不明白。

(本文為投稿,稿件可電郵至iwanttovoice@hk01.com;文章純屬作者意見,不代表香港01立場。)