at17尾場感激黃耀明提攜　交棒下一代女唱作人傳承音樂

今天是平安夜（12月24日），有人選擇與家人慶祝，有人選擇與愛侶共渡，有人選擇與好友狂歡，亦有人選擇以歌會友。《Girls Girls Girls at17 Live in Concert 2017》今晚在伊館來到尾場，在平安夜為樂迷帶來福音。不少音樂圈好友，如黃耀明、何韻詩、鄧小巧、許廷鏗、林欣彤、王嘉儀等人也有到場支持。演唱會於8時25分正式開始。林二汶、盧凱彤（Ellen）聯同樂隊及合唱團一起出場，首先唱出《我們的序幕》及《唱歌》炒熱氣氛。序幕過後，場內觀眾已全數站起來，揮手聆聽《始終一天》。

at17在台上未唱歌前，在前奏位置說：「喺十幾年前，我哋又點會諗到有今日咁多人聽我哋唱歌。」十足DJ tag歌。當唱到《窮得只有愛》時，二人更走入觀眾席，與台下樂迷一一打招呼。Ellen高興表示：「最熱情係今晚呀，咁就繼續啦喎！」到搖滾快歌部份，《衝衝衝》及《我愛班房》令觀眾又跳又叫，氣氛比倒數聖誕的場面還要熱鬧。

曲風一變，從搖滾轉為帶點藍調及電子民謠的《女扮男生》及《三分鐘後》，Lam & Loo二人不論經過多少年，還是讓人感受到當年17歲的青蔥，就像回到班房，對愛的青澀埋藏於身穿校服那位小伙子的心中。
 

不知是錯覺還是節日氣氛驅使，at17二人表示：「今晚氣氛最好！多謝你哋買飛支持我哋。」要報答樂迷，與其講多句說話，倒不如唱多首歌。二人再次執起手中結他及咪高峰，唱出《相見好》、《小霧》、《Never Been Kissed》，混合電子及少許中國風的節奏，又令樂迷聽得出神。

唱完一連串歌曲，at17特別鳴謝身後樂隊：「除咗陪住我哋十幾年一齊長大嘅，仲有Chorus嘅新成員。」原來網絡歌手Serrini也是at17和音一員。二汶憶起往事：「喺好多好多年前，我同盧凱彤去買咖啡，個店員好貼心咁寫上我哋個名，之後佢問『咦？今日得你哋兩個嘅？』我尷尬答完佢之後，諗起當年除咗我哋，同期仲有『芳華十八』、『女子十二樂坊』，佢以為at17係有17個人嘅。而家諗返起，其實at17又點止17個人呢，仲有身後嘅樂隊同伴，同一班支持咗我哋好多年嘅歌迷。」接著唱出《你好嗎》、《101727》、《少年遊》。期間她們答謝黃耀明：「十五年前，喺我哋at17未有咩人識嘅時候，係明哥比咗一個機會我哋喺九展嘅Show度唱歌，所以我哋好感激佢。而今日at17有屬於自己嘅舞台，我哋都唔會吝嗇自己嘅舞台，我想話比大家聽，其實我哋嘅舞台唔單單淨係屬於我哋，所以我要介紹2位比我哋更有才華嘅女生比大家認識。」身後的Chorus成員Serrini及阿烈走到台前，與at17合唱出梅姐的《由十七歲開始》，及後Serrini更在台上獨唱出個人作品《油尖旺金毛玲》，就像at17正式將樂壇希望交託予新一代。